بۆ جارا ئێكێ دیزاینه‌ره‌كێ كورد پشكداریێ د چێكرنا ئه‌نیمه‌یشنه‌كی دا دكه‌ت
ئاكرێ, گوهدار سلێمان:
محه‌مه‌د به‌رزنجی، گه‌نجه‌كێ باژێرێ سلێمانیێ یه, به‌لێ ل هه‌ولێرێ دژیت، د دیداره‌كێ دا بۆ رۆژناما ئه‌ڤرۆ دبێژیت: كارێ من چێكرنا ئه‌نیمه‌یشنێن سێ ره‌هه‌ندینه و چێكرنا فلمایه كو گرافیك تێدا هاتبیته بكارئینان, ل سالا 2015 من ده‌ست ب ڤی كاری كریه, و پشكداری د خوله‌كا فێربوونا ئه‌نیمه‌یشنان دا كر ل سلێمانیێ و پشتی وێ خولێ من به‌رده‌وامی دا ڤی كارێ و ب رێكا ئه‌نترنێتێ ئه‌ز پتر فێربووم و گه‌هشتمه ئاسته‌كێ باش و من ئه‌ڤ كاره بۆ خوه كره پیشه.
ناڤهاتی گۆت: لڤێ دووماهیێ ب رێیا كۆمپانیه‌كێ من پشكداری د پرۆژه‌كێ مه‌زن دا كر بۆ فیفایێ، ئه‌و ژی چێكرنا ئه‌نیمه‌یشنیێ (له‌عیب) بوو، كو یێ تایبه‌ته ب جاما جیهانی یا قه‌ته‌ر ڤه, و ل وی پرۆژه‌ی دا كارێ من چێكرنا چه‌ند ( Asist D3)ه‌ك بوون كو ل باگراوه‌ندێ ئه‌نیمه‌یشنی دا هاتبوو بكارئینان وه‌كی كورسی, مۆبایل, كێك …هتد, و ئه‌ز ئێكه‌م كوردم پشكداریێ د كاره‌كێ هوسا دا بكه‌م بۆ فیفایێ.
