بۆ جارا ئێكێ دێ سترانه‌كا دویت ب زمانێ كوردی و توركی بێژن
دهۆك، زنار تۆڤی:
ده‌رهێنه‌ر (محه‌مه‌د ژۆری) د دیداره‌كێ دا بۆ رۆژناما ئه‌ڤرۆ دیاركر كو بۆ جارا ئێكێ سترابێژێ تورك بیلال سونسه‌ز دێ سترانه‌كا دویت ب زمانێ كوردی و توركی ل گه‌ل سترانبێژه‌كا كورد یا خه‌لكا دهۆكێ بێژیت، ئه‌ڤ سترانه دێ ل سالا نوو هێته به‌رهه‌مئینان و پرودۆسه‌ربا ڤێ سترانێ و ده‌رهێنان هه‌ر ئه‌زم و دێ ل وه‌لاتێ توركیا هێته تۆماركرن و كلیپكرن.
ژۆری گۆت: د سالا نوو دا سترانبێژێ تورك بیلال سونسه‌ز دێ سه‌ره‌دانا باژێرێ دهۆكێ كه‌ت و كۆنسێرته‌كێ گێریت و دێ چه‌ندین سترانێن كوردی دناڤ وێ كۆنسێرتێ دا بێژیت، د هه‌مان ده‌مدا بیلال سونسه‌ز ئێكه ژ سترانبێژێن گه‌نج یێن ناڤدار ل سه‌ر ئاستێ وه‌لاتێ توركیا، دیسان مه نه‌ڤیایه ناڤێ وێ سترانبێژا كورد بده‌ینه دیار كرن، یاكو دێ وێ سترانا دویت ل گه‌ل وی سترانبێژێ تورك بێژیت و مه دڤێت ئه‌ڤه ببیته سۆپرایزه‌ك بۆ خه‌لكێ مه، هه‌روه‌سا پشتی ڤی كاری، ئه‌و سترانبێژێ تورك دێ سترانه‌كا دی ب زمانێ كوردی بێژیت.
