بۆ جارا ئێكێ د دیرۆكا خوە دا كچێن ئسپانیا مۆندیالا جیهانی ب دەستڤە ئینا
هەلبژارتیێ تەپا پێی یێ ئسپانیا ل سەر ئاستێ كچان بۆ جارا ئێكێ د دیرۆكا خوە دا ناسناڤێ مۆندیالا جیهانێ یا ئافرەتان ب دەستڤە ئینا پشتی شیایی د یارییا دووماهیا قارەمانیێ دا ب سەركەڤیت ل سەر هەڤڕكا خوە هەلبژارتیێ ئنگلتەرا ب گۆلەكێ بێ بەرانبەر ئەوا ل یاریگەها ئوسترالییا نێڤدەولەتی ل سیدنی هاتیە كرن، گۆلا ئسپانیا ژلایێ یاریزانا وێ ئۆگا كارمۆنا د خولەكا 29ێ دا تۆماركر، د یارییا دیاركرنا رێزا سێیێ و میدالییا برۆنزی هەلبژارتیێ سوید شیا بدەستڤە بینت ل سەر كیستێ خودانا ئەردی هەلبژارتیێ ئوسترالیا پشتی ب سەركەفتی ب دو گۆلان بێ بەرانبەر.
ژلایێ خوەڤە ستێرا هەلبژارتیێ چاپانێ هیناتا میازاوا ب تۆماركرنا پێنج گۆلان ناسناڤێ گۆلكەرا قارەمانیێ هاتە خەلاتكرن، هەردو یاریزانێن ئسپانیا ئایتانا بۆنماتی وەكو باشترین یاریزان و هەڤالا وێ سالما پارالۆیلۆ یا دویێ هات، ژلایێ خوەڤە گۆلپارێزا ئنگلتەرا ماری یارپس باشترین گۆلپارێز د مۆندیالێ دا هاتە دەستنیشانكرن.
بۆ زانین هەلبژارتیێ نەتەوەیێن ئەمریكا ب چار ناسناڤ دەستڤە ئیناینە، ئەلمانیا دو ناسناڤ، چاپان ناسناڤەك و نەرویج ناسناڤەك ئینایە و ئەڤە ئسپانیا ژی بوو خودان ناسناڤەك.
