بۆ جارا ئێكێ نشته‌گه‌ری ل سێمێلێ هاتنه ئه‌نجامدان
ئه‌ڤرۆ نيوز:
ژ به‌ر نه‌بوونا پشكا نشته‌گه‌ریان ل قه‌زا سێمێلێ به‌ری نوكه نه‌خۆش بۆ دهۆكێ دهاتنه ڤه‌گوهاستن، به‌لێ پشتی به‌رفره‌هكرنا نه‌خۆشخانا گۆلان و ڤه‌كرنا پشكێن نشته‌رگره‌ی و ته‌نگاڤیان، ئه‌ڤرۆ 27-6-2018 بۆ جارا ئێكێ نشته‌رگه‌ری لێ هاتنه ئه‌نجامدان.
د. دلشه‌نگ محه‌مه‌د، بسپۆرێ گولچیسك و جوبارێن میزێ دیار كر كو ب ڤه‌كرنا پشكا نشته‌گه‌ریان ئێدی نشته‌گه‌ری گیروو نابن و ل ده‌مه‌كێ زوو دێ هێنه ئه‌نجامدان.
ژ ئالیێ خوه ڤه د. محه‌مه‌د سالح حه‌مید، به‌رپرسێ پشكا ته‌كنیكی ل ساخله‌میا دهۆكێ دیار كر كو هه‌موو ئامیره و پێدڤیێن نشته‌گه‌ریان بۆ قه‌زا سێمێلێ هاتینه دابینكرن و گۆت: “هنده‌ك كێماسی د هنده‌ك تایبه‌تمه‌ندیان دا هه‌نه، لێ بزاڤ دێ هێنه‌كرن ئه‌و ژی زوو بهێنه دابینكرن”.
د. یوسف حاج، جێگرێ كه‌رتێ ساخله‌میێ ل سێمێلێ ئاشكرا كر كو ئه‌و دێ بزاڤێ كه‌ن رۆژانه نشته‌گه‌ری بهێنه ئه‌نجامدان و هێدی هێدی رێژا نشته‌گه‌ریان زێده بكه‌ین داكو نه‌خۆش پێدڤی ب چو جهێن دی نه‌بن.
