بۆ جارا ئێكێ یە قارەمانییا فوتسالا كچان ل پاێزگەهێ بهێتە كرن
شاهۆ فەرید:
د داخویانیەكا تایبەت دا ئەحمەد حسێن جێگرێ سەرۆكێ فێدراسیونا فوتبۆلا لەقێ دهۆك بۆ رۆژنامەیا ئەڤرۆ دیاركر بۆ جارا ئێكێ یە قارەمانییا فوتسالێ ل سەر ئاستێ كچان ل پارێزگەها دهۆكێ بهێتە كرن و دێ بەردەوامبین ل سەر چالاكیێن خوە.
زێدەتر ناڤهاتی گۆت: ل ئێك شەمبییا بۆری ب ئامادەبوونا سەرۆك و ئەندامێن كۆمەكا یانەیێن پارێزگەها دهۆكێ و ئیدارا سەربەخۆیا زاخۆ ب فەرمی بڕیار هاتە دان ل 10ێ ڤێ مەهێ هەڤڕكیێن قارەمانییا پارێزگەها دهۆكێ بۆ یارییا فوتسالا كچان ب پشكدارییا هەشت یانەیان بهێتە كرن، ئەڤچەندە هات پشتی د كۆمبوونێ دا پشككێشان و ژڤان و شێوازێ قارەمانیێ هاتیە دیاركرن.
هەروەسان ئەحمەد حسێن گۆت ژی: ئەڤە ئێكەم قارەمانیا فوتسالا كچانە دێ هێتە ل پارێزگەها دهۆكێ ئەنجامدان، هەشت یانەیێن دهۆكێ و ئیدارا سەربەخۆیا زاخو پشكدارن د ئەڤێ قارەمانیێ دا، شێوەیێ یارییان دێ كەفتنا دو جاركی بیت، یاریین ویێ دێ ل هۆلا ڕێڤەبەریا چالاكیێن پەروەردا دهۆكێ هینە ئەنجامدان، هەمان یاسا و رێنمایێن قارەمانیێ بێ گوهۆڕین هەبن، ئەم وەكۆ فێدراسیون نا راوەستین بۆ ئەڤان جورە قارەمانی و خولا، دەمێ بهێت دێ مە گەلەك چالاكیێن دی هەبن و گەلەك خول و قارەمانیا بۆ یانەیان ڤەكەین.
