بۆ جارا چوارێ ئەز بەربژارم و دێ بەردەوام د خزمەتێ دا بم
لەزگین جوقی
بەربژارەكا لیستا 275 یا پارتی دیموكراتی كوردستان ل شنگالێ راگەهاند، دێ بەرەڤانیێ ژ مافێن رزگاربوویێن ئێزدی و رەڤاندیێن ئێزدیان و خەلكێ د ناڤ كەمپان دا و هەمی خەلكێ شنگالێ كەین.
ڤیان دەخیل، بەربژارا ژمارە 40 لسەر لیستا 275 یا پارتی دیموكراتی كوردستان راگەهاند، ل سێ خۆلێن پەرلەمانێ ئەندام بوویمە و سەرۆكا لیژنا خزمەتگوزاری و ئاڤەدانیێ بوویمە، ل ساڵا 2019 هەتا ساڵا 2021ێ پەیڤدارا بارەگایێ بارزانی بوویمە و نوكە بۆ جارا چوارێ ئەز بەربژێرم بۆ پەرلەمانێ ئیراقێ كۆ سەربوور و شارەزایەكا مەزن ل پەرلەمانی هەیە و دێ شێن وەكۆ هەر جار بەرەڤانیێ ژ مافێن خەلكێ خۆ كەین.
بەربژارا ژمارە 40 گۆت: پشتی ساڵا 2014ێ جینۆسایدا ب سەر خەلكێ مە هاتیە كرن ل شنگالێ ئەز بەرەڤانیێ ژ مافێن خەلكێ خۆ دكەم د هەمی وارەكی دا كۆ بەرەڤانیێ ژ مافێن رزگاربوویێن ئێزدی و گرتیێن ئێزدی و بەردەوام بەرەڤانیێ ژ مافێن خەلكێ خۆ دناڤ كەمپاندا ل شنگالێ دكەین، ئەڤە دێ بنە ئارمانجین مە بۆ ناڤ پەرلەمانێ ئعیراقێ و دێ بەرەڤانیێ ژ مافێن خەلكێ خۆ كەین.
ڤیان دەخیل، بەربژارا ژمارە 40 لسەر لیستا 275 یا پارتی دیموكراتی كوردستان ل شنگالێ راگەهاند، ئەڤە پینج سالن ئەم هەمی بزاڤان دگەل حۆكمەتا ئیراقێ دكەین بۆ بجهئینانا رێككەفتنا شنگالێ و دناڤ پەرلەمانێ ئیراقێ ژی مە گەلەك كار كریە بۆ بجهئینانا رێككەفتنا شنگالێ و حۆكمەتا هەرێما كوردستانێ پێنگاڤێن مەزن هاڤێتنە بۆ ئاساییكرنا رەوشا شنگالێ، بەلێ مخابن هندەك لایەنێن ئیراقێ دژاتی كریە و نەهێلایە رێككەفتنا شنگالێ بكەڤیتە د وارێ بجهئینانێ دا، ئەم دێ بەردەوام بین بۆ خزمەتكرنا خەلكێ خۆ ب تایبەت قەزا شنگالێ.
بەربژارا پارتی ل شنگالێ گوتژی: ئەم د رژدین ل سەر رێككەفتنا شنگالێ، كۆ دناڤبەرا حۆكمەتا هەرێما كوردستانێ و حۆكمەتا ئیراقێ دا هاتیە ئیمزاكرن بۆ خزمەتكرنا خەلكێ شنگالێ، رێككەفتنا شنگالێ تشتەكێ گەلەك گرنگە بۆ خەلكێ شنگالێ ژبەركۆ دێ دووماهیێ ب ئێش و ئازارێن خەلكێ شنگالێ ئینیت.
