بۆ جار ئێكێ یە هەژمارەكا خزمەتگوزایان دگەهنە گوندەكێ دەڤەرا ئامێدیێ
ئامێدیێ، مەحمود نهێلی:
بۆ ئێكەم جارە جادە و كارەب دگەهنە گوندێ ئەرەدنا ل بنارێ چیایێ مەتینا ل سنۆرێ ناوچەدارییا بامەرنێ و ئەڤە ژی بوویە جهێ خوەشحالیا خەلكێ وی گوندی.
میران عەبدولرەحمان رێڤەبەرا ناوچەدارییا بامەرنێ بۆ رۆژناما ئەڤرۆ دیاركر، د چارچوڤێ گرنگیدانا حكومەتا هەرێما كوردستانێ بۆ هەموو وان سێكتەرێن گرێدایی ژین و ژیارا خەلكێ دەڤەرێ و گەهاندنا خزمەتگوزاریان، وەكو: رێك و كارەب و ئاڤ و گۆت: «گوندێ ئەرەدنا ئێك ژ وان گوندان بوویە یێن هەتا نوكە خزمەتگوزاری وەكو پێدڤی نەگەهشتینێ، ژ بەر وێ یەكی ژی ئاریشە بۆ خەلكێ گوندی دروست د بوون بۆ ئاڤاكرنا گوندی».
گۆتژی: «بەری چەندەكی ژ لایێ حكومەتا هەرێما كوردستانێ ڤە كارەب بۆ ڤی گوندی هاتە دابینكرن و نوكە ژی جادە گەهشتیێ و گۆت: «ئەڤ جادەیە ب درێژاهیا پتر ژ دو كیلۆمەتران هاتیە چێكرن و گوژمێ 544 ملیۆن دیناران ل سەر بودجا تایبەتا پارێزگەها دهۆكێ بۆ هاتبوونە تەرخانكرن».
