بۆ خه‌لكه‌كی ئاشكرا بكه‌ن بۆچى دژی پارتینه؟!
به‌درخان زاویته‌ی
دوهی به‌یاناما ده‌ردكرن و داخواز ژ خه‌لكی دكر ده‌نگ ب ئێكه‌تیێ بده‌ن و ئه‌ڤرۆ رێگێریێ ل بانگه‌شا كاندیدن پارتی ل شنگالێ دگرن!. جارێ ب ڤان ره‌فتاران و دژایتیكرنێ هوون نابنه ركابه‌رێن پارتی و حساب بۆ هه‌وه نائێته‌كرن! به‌لێ بۆ خه‌لكێ كوردستانێ دیاركه‌ن بۆچى دژی پارتینه؟!
ئه‌م ل ڤێرێ بۆ مێژوویا پارتی ڤه‌ناگه‌رین، به‌لكو لسه‌ر كاودانێن نوكه راوه‌ستین و به‌حس ل جێوازیا پارتی كه‌ین ل گه‌ل لایه‌نێن دیتر. و بۆچى ئه‌ڤ لایه‌نه دژی پارتینه؟!
رێگێریا چه‌كدارێن په‌كه‌كێ ل بانگه‌شه‌یا هه‌لبژارتنان یا كاندیدێن پارتی ل شنگال وێ چه‌ندێ خوه‌یا دكه‌ت كو حازرن ب شه‌ڕ ژی دژی پارتی راوه‌ستن و ل ناڤچه‌یێن كوردستانی یێن ده‌رڤه‌ی ئیدارا هه‌رێمێ رێگێریێ ل بانگه‌شا پارتی بكه‌ن، به‌لێ دروسته بۆ كاندیدێن ملیشیاتان و كاندیدێن عه‌ره‌ب بانگه‌شێ بكه‌ن! بۆ خه‌لكی رۆن بكه‌ن چ جۆره كوردستانیه‌ته هوین په‌یره‌و دكه‌ن؟! و چاوا باوه‌ری ب هه‌وه بێت؟!
ئێدی لایه‌نێن بناڤ كوردستانی د هه‌می رێیه‌كێ گرنه به‌ر بۆ دژایتیكرنا پارتی د ڤان هه‌لبژارتنان دا هه‌تا وی راده‌ی شه‌ڕی ژی دروستكه‌ن. به‌لێ پشتراستم هه‌می تشته‌ك بۆ خه‌لكێ كوردستانێ رۆن و ئاشكرا بوویه و باش دزانیت دێ چاره‌نڤیسێ خوه راده‌ستی كیژ لایه‌نی كه‌ت دا ژ پاشه‌رۆژا خوه یێ پشتراست بیت. پشتی بۆ دیاربووی كو لایه‌نێن دی ده‌مێ بهێز دكه‌ڤن خیانه‌تێ دكه‌ن! و ده‌مێ لاواز دبن تێكدانێ دكه‌ن! له‌وا بۆ كوردستانیان دوپات بوویه كو ب تنێ پارتیه ل به‌غدا خودانا هێزێ و هه‌ولیستێن وێ د نه‌گوهۆرن و هه‌ر تشته‌كێ گرێدای به‌رژه‌وه‌ندیا گشتی بیت و تایبه‌ت یاهه‌رێما كوردستانێ لسه‌ر هه‌می ورده‌كاریا دراوه‌ستیت و رێگریێ ل پیلانان دكه‌ت یێن كو ب هه‌می رێیان ل دژی خه‌لكێ كوردستانێ دئێنه دارێتن.
یا پارتی ژ ڤان لایه‌نان جودا دكه‌ت كوردستانیبوونه چونكی لگه‌ل وه‌لاتێن هه‌رێمی و ده‌وروبه‌ر سیاسه‌ته‌كا هه‌ڤسه‌نگ په‌یره‌وكریه بۆ پارستنا به‌رژه‌وه‌ندیێن كوردستانێ ل ده‌مه‌كی لایه‌نێن دی بووینه دارده‌ستێن ڤان وه‌لاتان و به‌رده‌وام پیلانان دگێرن دژی هه‌رێما كوردستانێ!
و لسه‌ر ئاستێ جیهانێ پارتی نوونه‌را راسته‌قینه یا گه‌لێ كورده و بتنێ حساب بۆ پارتی دئێته‌كرن و ل بلندترین ئاست روینشتن ل گه‌ل دئێنه‌كرن.
ئه‌ڤ سه‌نگه و رێبازه ب رێگێریكرنێ ل بانگه‌شه‌یا هه‌لبژارتنان ل هنده‌ك ناڤچه‌یان و ناڤزراندن و شه‌ر ب فرۆتنێ لاواز نابیت به‌لكو موكمتر و بهێزتر لێدئێت.
خۆیایه مه‌ره‌ما ڤان لایه‌نان د هه‌می هه‌لبژارتنان دا بێهیڤیكرن و به‌رزه‌كرنا راستیانه ل به‌ر خه‌لكی ب گشتی و یا گه‌نج و لاوێن ڤی وه‌لاتی ب تایبه‌تی.
و لاوازكرنا هه‌ستا نه‌ته‌وایه‌تی ل ده‌ف تاكێ كورد بۆ هندێ كارتێكرنێ ل پرۆسا هه‌لبژارتنان بكه‌ن ئه‌ڤه ل ده‌مه‌كی ڤان لایه‌نان هیچ پلان و به‌رنامه‌ك نینه بۆ خزمه‌تكرنا كوردستانیان و مه‌ره‌ما وان ئه‌ڤا هه‌ی ژی تێكده‌ن و ژناڤببه‌ن.
له‌وا كا چاوا ئه‌ڤ لایه‌نه هه‌لبژارتنان ب ده‌لیڤه دبینن و دژاتیا پارتی دكه‌ن بۆ تێكدان و لاوازكرنا كوردستانێ هۆسا دڤێت خه‌لكێ كوردستانێ و گه‌نج و لاوێن ڤی وه‌لاتی ب ده‌نگێ خوه ڤان لایه‌نان سزا بده‌ن و كوردستانێ ژ پیلانێن ڤان لایه‌نان بپارێزن.
و/ ئه‌ڤرۆ
