بۆ خوله‌كا وێنه‌گرتنێ ئارى جه‌لال چو بريتانيا
ئه‌ڤرۆ نيوز:
بۆ جارا ئێكێ ل سه‌ر ئاستێ عيراقێ و كوردستانێ دو فۆتۆگرافه‌رێن كورد وه‌كو فوتۆگرافه‌رێن شه‌رى هاتنه ده‌ستنيشانكرن و دێ پشكدارى خوله‌كا 10 رۆژى ل وه‌لاتێ بريتانيا دا كه‌ن.
ئارى جه‌لال، فۆتۆگرافه‌رێ كوڕێ دهۆكێ كو دێ وه‌كو فۆتۆگرافه‌رێ شه‌رى ل سه‌ر ئاستێ عيراق و كوردستانێ ل گه‌ل ئازاد له‌شكرى ژ سلێمانيێ پشكدارى خوله‌كێ بن بۆ ئه‌ڤرۆ نيوز گۆت: “پشتى ده‌مه‌كێ كێم دێ ژ فرۆكخانا هه‌ولێر به‌ر ب وه‌لاتێ بريتانيا چين بۆ پشكداريكرنێ د خوله‌كا وێنه‌گرتنێ يا تايبه‌ت ب وێنێن شه‌رى ژ بوو باشتركرنا شيانێن وێنه‌گرتنێ ل ده‌مێ شه‌رى”.
ئارى جه‌لال ئاماژه ب وێ چه‌ندێ ژى كر كو ئه‌ڤ خۆله ژ لايێ ئاژانسا رويترز ڤه هاتيه ئاماده‌كرن و دێ 10 رۆژان ڤه‌كێشيت و گۆت: “تێدا دێ ل سه‌ر گه‌له‌ك بابه‌تێن گرێدايى وێنه‌گرتنێ ل ده‌مێ شه‌رى بن”.
