بۆ دێمێ خوە سابوونا سرۆشتی دروست بکە

ئه‌ڤرۆ نيوز:

ب کەرەستێن ناڤ مالا خوە باشترین سابوونێ بۆ رۆخسارێ خوە ئامادە بکە
پتریا خانمان خەونێ ب پیستەکێ جوان ڤە دبینن،بەلێ زۆربەیا کەرەستێن جوانیێ وەک سابوون و کریما و ماددێن کێمیایی تێدانە، د دەمەکی دا سابوونا سرۆشتی ئەنجامێن وێ باشترن و چ زیانێ نا گەھینیتە خانمان،لەورا چاوانیا دروستکرنا سابوونا سەروچاڤان دێ نیشا وە دەین.

کەرەستێن چێکرنێ:
سابوونا رەق، کەفچکەکێ مەزن یێ ھنگڤینی،دو کەفچکێن مەزن یێن سپیلکا ھێکێ، کۆپەکێ بچووک یێ ئاڤا گۆلا، کەفچەکەکێ مەزن یێ ئاڤا لیمۆنێ،کۆپەکێ شیرێ شل،کەفچکەکێ مەزن یێ نشایێ، کەفچکەکێ مەزن یێ ھەڤیر ترشی *ئامادەکرن:
سابوونا رەق ب رەنە و بکە د قازانکێ دا و پاشی ھندەک ئاڤا گۆلێ بکە دناڤ دا ھەتا کو سابوونێ ھەموویێ دگریت، پشتی ھینگێ وان تێکەلوکا بدانە سەر ئاگرەکێ ھێدی و نشایێ بکە ناڤ وێ تێکەلێ و تێکڤە بدە، پاشی ئاڤا لیمۆنێ و سپیلکا ھێکێ بکە دناڤ دا و تێکڤەدە و ھنگڤینی و ھەڤیر ترشی بکە دناڤ دا و پاشی شیری تێکەل بکە و ب بەردەوامی تێکڤەدە ھەتاکو پیچەکێ تۆند دبیت و قازانێ ل سەر ئاگری راکە و بکە دناڤ پاتەکێ پاقژدا و د جهـ دا
بھێلە،ھەتاکو باش سار دبیت و وێ سابوونێ ل سەروچاڤێن خوە بدە پاشی ب ئاڤا
گەرم بشۆ و دێ ئەنجامان بینی.

کۆمێنتا تە