بۆ سهركهفتنا ریفراندۆمێ كێ رازى كهین؟
سهد سال ل گهل عیراقێ دهربازبوون ههمى ب شهق و شیقى و دهردهسهرى و كوشتن و سۆتن و مالوێراكرن و رهڤین، شۆرهش و خهبات و شههیدبوون ههموو پێناڤێ رۆژهكێ ئازاد بژى و ئالایێ ته بلند بیت و نهكێمتر بى ژ چ وهلاتێ، دونیایێ، مللهتێ چارێ پشتى عهرهب و تورك و فارسا ل رۆژههلاتا ناڤین كو ب رێژێ ههر كورد بووینه ههتا نوكه نهبوویه وهلات، لێ ههتا نوكه ئهم هزركهین ههر دوژمنێن مه ئهو وهلاتن ئهوێن ئهم داگیركرین و چ جارا هزرا خوه ناكهین ئهم ب خوه ژى ئهگهر بووینه و ههر دهمێ دهرفهتهك بۆ مللهتێ كورد هاتیه پێش ههر دهستێ ناڤخوه ل گهل دا بوویه بۆ ژناڤچوونێ، دیاره ئهڤ دهرفهتا نوكه هاتیه پێش بۆ مللهتێ كورد ل سهر سالێن پشتى رێكهفتناما سایكس پیكۆ نههاتیه پێش ئانكو كوردان چ جاران وهك نوكه خوه نهدیتى نه قارهمان وهك پێشمهرگه ل سهر ئاستێ دونیایێ و دیسا چ جارا ژى وهك نوكه ب هێز نهبووینه و هزركرن ل چارهنڤێسى خهونا ههر مللهتهكى یه و مللهتێ مه ژى خهون ب ڤێ رۆژێ دیتى نه و دیسا گهلهكا وهغهركرینه و خواستا وان ئهڤ رۆژه بوویه، بهروڤاژى گهلهك ههنه د ساخن و مرن ژ بهر نێزیكبوونا ڤێ رۆژێ، لێ ئهڤه وێ چهندێ ناگههینت كو هنده كورد ههنه دژى دهولهتبوونا كوردى نه، بهلكو بۆ بهرژوهندیێ، تاكهكهسى و ئینا دهستێن دوژمنێ، مللهتێ كورد وێ چهندێ دگههینت كو زیانێ بگههینه ئیرادا مللهتهكى كو پتر ژ سهدسالانه خوینێ بۆ درێژیت، دیاره پشتى بریار ل سهر ئهنجامدانا ریفراندۆمێ هاتیهكرن كو شازده پارتێن سیاسى ل كوردستانێ بریارداین و دیسا ئهو پارتێن بهرههڤ نهبووین ژى ههمان بۆچوون سهر ئهنجامدانا ریفراندۆمێ ههیه و كۆمیته هاتینه پێكئینان كو سهردانا وهلاتێ، ههڤسنۆر بكهن و دیسا بهغدا و دیسا وهلاتێن زلهێز دونیایێ كو دهنگێ مللهتێ كورد بگههینێ و كا چ ڤێت، ههمان دهم كۆمیته هاتنه پێكئینان كو سهردانا ئالیێن سیاسى بكهن ئهوێن بهرههڤى كۆمبوونێ نهبووینه كو بهێنه گهل بریارێ، ب دیتنا من پێدڤى یه ب تنێ خهلك بهێتهرازیكرن و نهكو پارتێن سیاسى، چونكو ژێدهرێ سهنگا پارتێن سیاسى ههر خهلك و پارتێن سیاسى ب خهلكى دهستههلاتێ و سهنگا خوه وهرگرن، دیسا ئهڤ پرۆسه بۆ خهلكى یه و نه بۆ چ پارتێن سیاسى و چ كهسانه و ئهڤه ب وێ چهندێ یه كو ئێدى نه بێژینه كهسێ ئهزبهنى و ئێدى ئهم ژى سهربلند بژین و ئالا كوردستانێ یا بلندبیت، گرنگه لیژنا ریفراندۆمێ د ناڤا خهلكى دا بیت و بزانیت خهلكى ڤێت، پاشكهفتا مووچان نهمینت، دیسا خۆشگوزاریا خهلكى بهێته خوشكرن، دیسا مادهم مه پێدڤى ب رێژهكا زۆرا بهلێ یه دڤێت پتر كار و خهباتا مه بۆ خهلكى بیت و نه بۆ دهرڤه، چونكو ههكه مه سهنگ ههبوو ناڤخوه چ مللهت و چ كهس نهشێن دژى ئیرادا مللهتێ كورد براوستن.
