بۆ كه‌مپه‌كێ ڕاهێنانێ زاخۆ دێ چیته باكۆرێ كوردستان
عەلی حاجی:
د داخویانیەکه‌كا تایبه‌ت دا سکرتێرێ یانەیا زاخۆ یا وەرزشی بۆ رۆژنامەیا ئەڤرۆ دیار کر ژبەر ڕاوەستیانا خولا ستێرێن ئیراقێ یا فوتبۆلێ بڕیار هاتییه دان تیما وان به‌ر ب باكۆرێ كوردستانێ بچیت ژبۆ دانانا كه‌مپه‌كێ ڕاهێنانێ یێ حه‌فتیه‌كێ .
زێدەتر هشیار شەهباز گۆت: ئەم نوکە دا ئامادەکارین خوه دکەین پێخه‌مه‌ت رێکخستن و دانانا کەمپەکێ ڕاهێنانێ ل باژێرێ ئامەدێ یا باكۆرێ كوردستانێ ل وه‌لاتێ توركیا كو دبیت هه‌ر ژ سوبه‌هی ده‌سپێبكه‌ت، ئه‌ڤچه‌نده هات ژبه‌ركو دێ یاریێن گه‌ڕا 25ێ ژ خولا ستێرێن ئیراقێ هێته ڕاوه‌ستاندن و ژبۆ مفا وه‌رگرتن ڤێ ڕاوه‌ستیانێ و نه دووركه‌فتنا یاریزانان ژ سه‌قایێ یارییان و هه‌ڤڕكییان و ل دووڤ به‌رنامه‌یێ كادرێ ڕاهێنانێ ئه‌ڤ كه‌مپه دێ هێته دانان هه‌روه‌سان ل سەر داخوازیا ڕاهێنەرێ مە دێ دو یاریێن هەڤالینی ئەنجام دەین ئێک ژ وان ژی دێ بەرامبەر یانەیا ئامەد سپورت بیت کو دبیتە دووەم یاریا هەڤالینی د مێژوویا هەردو یانەیان دا دهێتە ئەنجامدان.
هه‌روه‌سان ناڤهاتی گۆت: ژبه‌ركو په‌یوه‌ندیێن مه دگه‌ل یانه‌یا باكۆرێ كوردستانێ گه‌له‌ك د باشن و دێ په‌یوه‌ندیێن خوه خۆرترلێكه‌ین ولێكتێگه‌هشتن دناڤبه‌را مه دا په‌یدابن بۆ كارێن وه‌رزشی، هه‌روه‌سان لێک نێزیکبوونەکا باش دناڤبەرا جەماوەرێ مە و وێ یانەیێ دا هەیە د پاشەرۆژێ دا دێ پەیوەندیێن مە باشتر بن. و هه‌ردو لا مفایی وه‌ربگرن ب گه‌ڤیته د خزمه‌تا پێشئێخستنا وه‌رزشا هه‌ردو یانه‌یێن كوردستانی دا.
سكرتێرێ یانه‌یێ گۆت: ل دووڤ به‌رنامه و ڕێكخستنا كارێ گه‌شبینن ئەم مفایەکێ باش ژ ڤی کەمپی وه‌ربگرین ژبەرکو د ڤی ماوەیی دا دێ خول ڕاوەستیت و گەش و هەوایێ وێ دەڤەرێ ژی نێزیکی گەش و هەوایێ دەڤەرێن مەیە و هه‌روه‌سان ئه‌و پلانێن ڕاهێنه‌ری هه‌ین دێ بجهیئین دگه‌ل هندێ ژی بۆ ئارامكرنا ده‌رۆنێ یاریزانان ژی دێ كارتیكرنه‌كا ئه‌رێنی هه‌بیت.
