بۆ من نه‌خۆشه دبێژنه‌مه ره‌قاسچی
دهۆك، هه‌رهین محه‌مه‌د:
ئاڤان سوبحی، سه‌ماكه‌ر و ئه‌نداما چالاكا تیپا دهۆك یا هونه‌رێ مللی، د دیداره‌كێ دا بۆ رۆژناما ئه‌ڤرۆ گۆت: سه‌ما ل ده‌ف من هه‌موو تشته و ب پیرۆزی سه‌حدكه‌مێ و ته‌مامكه‌را منه و گه‌له‌ك جاران یا عاجز بووم چوویمه دهۆلی َڤه من راهێنان كرینه و من سه‌ما كریه من هه‌موو عاجزیا خوه ژبیركریه و هه‌موو جۆرێن ده‌واتان ژی دزانم و ل ده‌ستپێكێ ده‌مێ هاتیمه دتیپێ دا من هنده‌ك جۆرێن ده‌واتان نه دزانین وه‌كو شێخانی و گه‌له‌كێن دی به‌لێ نوكه هه‌موویان دانم و ئه‌ز هندی سه‌مایێ بكه‌م بۆ من نه‌خۆشی ژێ چێنابیت و زانینا تابلۆیا بۆ كه‌سه‌كێ ژنوو خوه فێربكه‌ت گه‌له‌ك یا ب زه‌حمه‌ته، چونكو رۆژانه پێدڤی ب راهێنانا یه و مێشكێ وێ یێ ئارام بیت و گۆهێ وی ل سه‌ر سه‌مایێ و مۆزیكێ بیت.
ئاڤانێ گۆت: گه‌له‌ك جوداهی یا هه‌ی دناڤبه‌را سه‌مایێ و ره‌قاسێ دا و بۆ مه گه‌له‌ك یا نه‌خۆشه ده‌مێ دبێژنه‌مه ره‌قاسچی، چونكو مه كوردان ره‌قاسه نینه، ره‌قاس گه‌له‌ك بۆ عه‌ره‌ب و كلتۆرێن جودا دهێن و گه‌له‌ك جاران دێ بینین ل ده‌واتان دێ ده‌واتێ به‌رده‌ن و ل نیڤا ده‌واتێ كه‌ن و ئه‌ڤه ژی تشته‌كێ عه‌شوائی یه و ناهێته هژمارتن ره‌قس دهێته هژمارتن سه‌ما.
