بۆ ناسناڤێ كوردستانێ د ڕژدین

عەلی حاجی:

د داخویانیەکێ دا ڕاهێنەرێ تیما باسکێت بۆلا یانه‌یا زاخۆ بۆ رۆژنامەیا ئەڤرۆ دیار کر سێ سەرکەڤتنێن لدووڤ ئێک د خولا پلا نایابا كوردستانێ دا گه‌له‌ك دگرنگ بوون و ئاستێ تیمێ ژی یاری بۆ یاری به‌ر ب باشتر دچیت.
زێدەتر جوتیار عەلی گۆت: سەرکەڤتنا تیما مە یا سێیێ لدووف ئێک ژ چارچووڤه‌یێ هه‌ڤڕكیێن خولا نایابا کوردستانێ یا باسکێت بۆلێ دا ژ سەرکەڤتنێن گرنگ بوون ژبەر کو مە دڤێت شەری ل سەر ب دەست ڤەئینانا ناسناڤێ خولێ بکەین، د یاریێن بوریدا تیما مە شیا ئاستەکێ باش پێشکێش بکەت و ئەڤ چەندە ژئ یا دل خوەشکەرە بۆ مە،پێدڤیە ئەم ل سەر ئاست و ئەنجامێن خوە یێن باش بەردەوام بین ژبەرکو ئەم شەری بۆ ناسناڤی دکەین، تیما مە ژ تیمێن ب هێزە و هه‌موو یاریزان ژی خه‌لكێ باژێری زاخۆ و پرانییا وان ژی گه‌نجن ژبەر هندێ ژی هەموو تیمان دڤێت باشترین ئاستێ خوە دگەل تیما مە پێشکێش بکەن، بەرنامەیەکێ رێکوپێک هەیە کو بشێن هەتا دووماهی چرکە هەڤرکیێ بکەین .
ناڤبری گۆت ژی: ب دەست ڤەئینانا ناسناڤێ خولا ئەڤ سالە بۆ مە گرنگە ژبەر هندێ ژی گرنگیەکا تایبەت ب خولێ ددەین و ژ هەژیترین تیمین ناسناڤی ب دەستڤەبینیت.

کۆمێنتا تە