بۆ نەورۆزێ دێ سترانەکا نوو بەلاڤکەت
ئەڤرۆ، رەمەزان ھەرنی:
سترانبێژ راید بالەکی، د دیدارەکێ بۆ رۆژناما ئەڤرۆ گۆت: دەمەکە کاری ل سەر دو بەرھەمان دکەم و نوکە ل قوناغا دووماھیێ دانە ل نیزیک دێ بەلاڤکەم.
زێدەتر گۆت: بەرھەمەک تایبەتە و بەرھەمەک ژی گشتی یە کو ژ ١٠ تراکان پێک دھێت پتریا وان سترانێن گوڤەند و دیلانانە ب کرمانجی و سۆرانی ھاتینە گۆتن ل قوناغا دووماھیێ دایە, من ل بەرە سترانەکێ ژێ کلیپ بکەم و بکەمە دیاریا نەورۆزێ بۆ وان کەسان یێن حەزژ سترانێن مە دکەن، چنکو ئەڤە دەمەک بوو مە چو سترانێن نوو بەلاڤ نەکر بوون، بەلێ ئاریشا سەرەکیا پتریا سترانبێژان نەبۆنا سپۆنسەر و پشتەڤانیێ یە، دخوازم پشتەڤانیا من بھێتەکرن بۆ وێ چەندێ بەرھەمێن باشتر بەلاڤ بکەم و ئەڤ بەرھەمێ نوکە ل بەر دەستێ من ھندەک ستران فولکۆرن و ھندەک ژی ژ پەیڤێن مامۆستا دلێرن کۆ خەلکێ ئاکرێ یە.
