بۆ هێرشكرنێ د ناڤبەرا پێشمەرگەی دا دبوو شەڕ و هەر ئێكی دڤیا بەری هەڤالێ خوە پشكدار ببیت
دیدار، سالار محەمەد دۆسكی:
پێشمەرگێ هەر دو شۆڕەشێن ئیلونێ و گولانێ مستەفا عەبدولقادر لیناڤایی، ژدایك بوویێ سالا 1947ێ، ل سالا 1962ێ بوویە پێشمەرگە، ل شورەشا گولانێ قەستا جهێن ئازادكری دكەت، وەك پشتەڤانیەك بۆ شۆڕەشێ و بەردەاوم دبیت هەتا سەرهلدانا سالا 1991ێ و دووڤ دا دبیتە ئەندامێ كومەلایەتیێ و پاشان دهێتە خانەنشینكرن.
پێشمەرگێ هەر دو شۆڕەشێن ئیلونێ و گولانێ مستەفا عەبدولقادر حەسەن لیناڤای دۆسكی، بۆ رۆژناما ئەڤرۆ گۆت: دەمێ خودێ ژێ رازی (مەلا مستەفا بارزانی) هاتی و عەشیرەت بۆ عەشیرەتێ گەهشتێ (نێروەی، بەرواری، گولی و دۆسكی و مزیری ) گەلەك ڤیان بۆ خەلكی درۆست بوو و شۆڕەشەكا شرین بوو، دەمێ هاتینە ناڤ دۆسكیا وی دەمی پازدە سال بووم دگۆتن (مەلا مستەفا بارزانی ) ل گوندێ (بۆتیان)ە و خودێ ژێ رازی(عیسێ سوار) ل گەل چەندین پێشمەرگێن دەڤەرا مە هاتنە مالا مە و من خواست ل گەل ببمە پێشمەرگە و هێشتا ریهێن من نەهاتبوون و دگۆتە من تویێ بچوویكی من گۆتێ بچوویك مەزن بن و پیربن وی دگۆت وەرە ل گەل مە و ل گەل (محەمەد شندوخی) دناڤا هێزێن عیسێ سوار دا بوومە پێشمەرگە وی دەمی ئەم (200) مرۆڤ ل گەل (عیسێ سوار ) بووین و بتنێ ئەز و (جاسم عومەر بناڤی) دژیانێ دا ماینە.
هەمان پێشمەرگەی گۆت: ژڤان بوو بچین رەبیەكێ ل ئالوكان راكەین دووڤ دا پێزانین گەهشتن كو راكرنا وێ رەبیێ دێ زیان گەهیتە گوندێن دەردور وەك (دلبێ، ئالوكا، مالتایێ) ژ بریارا خوە زڤرین و بەرەف سەرتەنگ چووین و مە تێلە قەتاندن و بتنێ ئارمانجا مە ئەو بوو هەبوونا خوە ل دەڤەرێ ب سەل مینین و دووڤ دا چیا و چیا بەرەف زاخۆ چووین و مە پێزانین هەبوون كو هێزەكا مەزن یا لەشەری ژ مویسل هات چوو زاخۆ بۆ گوهورینێ وی دەمی خودێ ژێ رازی (عەریف سلێمان، عەلی هالو، هاشم مێروزی) سەرقول بوون، بریارا (عیسێ سوار) گەلیێ زاخۆ مە گرت، یا بیرامن (ئەز و محەمەد شەكری و جەبار گەلناسكی و عەبدوللا برجینی، مویسو بەگی و جاسم عومەر بناڤی) دچەپەرەكی دابووین و عیسی سوار گۆت هەتا تڤنگا من نەهێتە هاڤێتن كەس تەقێ نەكەت و دو رەبیە ل گەلیێ زاخۆ بوون هندەك ژ هێزا مە دورێن ئەوان رەبیا ژی گرتن، سپێدێ دەمژمێر حەفت هێزا پێ گوهور ژ زاخۆ ڤەگەریا و مە هاڤێتێ ماودێ پێنچ خولەكان دا ب سورانی گۆتن كاك ئەم كوردین هەر ئێك ژمە لایێ خوە ڤە گۆتی تڤنگا نەهاڤێن و رادەست بوون، (یاسینێ رەشێ) پێشمەرگەكێ بارزانی بوو یێ بریندار بوو و مە چەك رادكێشا و فرۆكە هاتن هاڤێتە مە و نەچاربووین چووینكە ناف لەشكەرێ عیراقێ دا دا فرۆكە نەهاڤێتمە و هەتا مەغرەب ماین و ب دەوارا مە چەك كێشا و بریندارێ خوە ژی ب دەوارەكێ مە هنارتن بۆ دەف (ئەسعەد خوشەبی) ل قومریێ و پشتی شەش رۆژان شەهید بوو، (178) جندیێن ساخ مانە گەل مە و بریندارێن وان ب ترۆمبێلێن وان مە بۆ زاخۆ هنارتن و ترۆمبێلێن مای مە دگەلیێ زاخۆ دا سوتن و لەشگەرێ دەستەسەركری ب سەرپەرشتیا (عەریف سلێمان) دناڤا گوندێ، دوسكیا دا هەتا گەرماڤا (سەعید ئاغای) ئینان و بەرێ ڤەی گەلی هاتنەكرن دا بچنە ناف حوكمەتێ، ل شەرێ گەلیێ زاخۆ مە چار شەهید دان(یاسینێ رەشێ، یاسینێ محێ، قادر، صبری) هەر چار بارزانی بوون.
پێشمەرگێ هەردو شۆڕەشێن ئیلون و گولانێ گەلەك شەڕان دا ل هەر دو دەڤەرێن سوران و بەهدینان پشكدار دبیت و دژیێ خوە دا چەندین بەرپرسایەتیا وەردگریت،ل بەیانا (11) ئادارێ دا دبیتە پاسەوانێ سنوری و پشكداریێ د خولەكا چەكی دا دكەت و پشتی شەرێ سالا (1974)ێ پشكداریوكا كاریگەر ل گەل (سەید صالح، محەمەد حەسەن باجلوری، محەمەد حەفزولا) ب لێدانا كێلیا شەدایێ دكەت وی شەری دا (سید عەلی) برایێ (سەید صالح) شەهید دبیت و دیف دا دبیتە ئامر سری و پشكداری دهێرشا گرتنا كوپێ رەنیێ ژی دا دكەت.
هێشتا گۆت: محەمەد حەسەن ئامر بەتلیون بوو و ئەز و سەعدیێ ئوسمان و بەهجەت ساركی بووینە ئامر سری، ل گەل چەند پێشمەرگان (صادق گەلناسكی و قادر ئالەكینی) دیفچوون مە كر، كا ب چ پلان دێ هێرش كەینە (كوپێ رەنیێ) بەرامبەر (قەوغای) وماینە وێرێ و ژ (پیرۆمەرا هەتا گەرماڤا) (قادر ئالەكینی) ما ل وێرێ، (نەعمو صەمەد) ژ (تەحا هەتا قەشەفرێ) و هێزا بەرواری یا(سپیرێزی هەتا گەلیێ بێسرێ) و حوكمەت هات بۆ شەر و مە دهاڤێتە لیوایێ ودڤیابا توپا (120) ل شكەفتا (سمتی) بوو رۆژانە مە چەندین جاران ل لیوایێ دابا و توپچیێن مە (ئەحمەد عەلی قورعو، صالح حجی تاهر زێوەی، عەریف رەجب، عمر حجی تاهر باخورنیفی، جمال ئێمكالی) پێشمەرگە(ئەحمەد بداغ كەمەكی) توپەكا (82) ڤێ بوو دهاڤێتە (قەواغای و پشتا ماسیكێ) هەر جهێ ڤیابا لێدا و مە نەهێلا حوكمەت پێنگاڤەكێ ب هاڤێژیت، پشتی چەندەكێ (عەبدورزاق گەرماڤی و محەمەد حەسەن باجلوری) هاتنە دەف مە و گازی من و سەعدی كر و گۆت: پێزانین گەهشتینە مە ئامر لیوایێ دهۆكێ (قائید فرقێ مویسل) ئاگەهدار كریە كو ئەگەر (كوپێ رەنیێ ) ل شكەفتا (كوپێ رەنیێ) ژ پێشمەرگەی نەستینی ئێدی نەچارین لیوایێ بەردەین، دەمێ هێرش هاتیمە مە (12) شەڤ و (12) بەردەوام بوو و برایێ من (سەیدق عەبدوقادر و مستەفا میرزا، سەلیم تاهر ئێكمالا گێندەلا، صالح پشت گری و عەمەر باجلوری) شەهید بوون دناڤبەرا من و برایێ من (20) مەتر بوون و پرتێن وان من ڤێدان و مە كرنە دناڤا بەتنیا را و هەڤالان برنە خوارێ و گۆت ما تۆ ناهێی من گۆتێ نە ئەو هەر چوون و مە نەڤێت جەپێ مە بشكێت و گەلەك بریندار مەدان و جەبهە مە نەبەردا.
ناڤبری گۆت: ل سالا 1975ێ رێكەفتنا جەزائیر و شكەستنا شۆڕەشا ئیلونێ مرن بوو بۆ خەلكێ كوردستانێ و ل گەل دەركەفتنا پێشمەرگەی ل شۆڕەشا 26ی گولانێ كەیفەكا مەزن بوو مە چێبوو، دەمێ (مەسعود بارزانی) ژ ئیرانێ ل گەل پێشمەرگەی ڤەگەریای و دەڤەرێ گەریان كەیفا مە گەلەك هات و جارەكا دی هزر و شانێن مە چێبوونە.
زێدەتر گۆت: شورەشێن كوردی هەمی پێكهاتێن ئاینی و نەتەوەی پشكداربوون و مەسیحیێن دیهێ) ل گەل مەبوون و هێرشا (كێلیا شەدایێ) پشكداربوون، (ئێزدی) ب هەمان شێوە ل گەل مەبوون و چ جوداهی نەبوو، كودینی بوو بوو چاڤێ كەسەكێ ل معاشا نەبوو چ پارە دەسپێكێ نە دانە كەسێ، بۆ هێرشكرنا هەر دەڤەرەكێ دەمێ گۆتبا مە هندە پێشمەرگە دڤێن دناڤبەرا پێشمەرگەی دا دبوو شەر و هەر ئێكی دڤیا بەری هەڤالێ خوە پشكدار ببیت .
مستەفا لیناڤایی گۆتژی: ل سالێت شێستان بارەگا نەبوون و دەمێ دچووینە گوندەكی دا بێژن ئەف خێزانێن رەوشا ژیارا وان باش بلا ئاری بینن و مالێن هەژار بلا پێژن و بۆ پێشمەرگەی ببنە چەپەران و كوردینی بڤی رەنگی چوو و سالێت 1963ێ و دووڤ دا شنوو بارەگا بۆ پێشمەرگەی هاتنە چێكرن و ئەرزاق بۆ پێشمەرگەی هات و بیرا من خەلكی تەرش و كەوالی خوە دفرۆت و تڤنگ پێ دكرین و دبوونە پێشمەرگە، بێ موچووچە و بێ هەر تشتەك و دەمەكی گۆتن دێ هەیڤێ (2) دینارا وەك مووچە دەنە هەوە و مە گۆت بتنێ ب بانە (5) دینار دا وەك شاها ژین.
پێشمەرگێ دێرین، مستەفا قادر لیناڤای زێدەتر گۆت: هەر گوندەكێ چووباینێ خەلكێ گوندی گەلەك كەیف ب پێشمەرگەی دهات و خوارن بەرهەف دكر و گاڤ بۆ گاڤێ خەلكی قەستا مەدكر و ئەگەر ئێك نەشیابا ژی و تڤنگ هەبا دا ب تڤنگا خوە پشكداری شورەشێ كەت و مە گۆتێ بدەمە و دێ پاش بووتە بەدەل ڤەكەین.
گۆت: داخازا من ژ هەمی پارتێن كوردستانی ئەوە ئەڤان دەسكەفتا ب پارێزن چونكە ئەڤ ئازادی یا نوكە تێدا بەرهەمێ قوربانی دانا گەلەك شەهیدێن كوردستانێ یە و داخاز دكەم دەستێن خوە بكەینە تێكدا دا كەیفا دوژمنێن مللەتێ مە ب مە نەهێت، باوەركە كورد ئێك بن كەسەك نەشێتەمە و دێ پتر سەنگ و هێزا خوە مە هەبیت و دێ رێزگرتن ل جیهانێ زێدەتر مە هەبیت.
