بۆ هەر سەركەفتنەكێ قوربانیدان پێ دڤێت
بێوار حەمدی:
موئمن یاسین، دەرهێنەر ل رادیۆیا (مووسل) د دیدارەكێ دا بۆ رۆژنامەیا ئەڤرۆ گۆت: ئەڤە چار سالن وەك دەرهێنەر لڤێ رادیۆیێ كاردكەم و بەردەوام بزاڤێ دكەم كارێ خوە پێشڤەببەم و دێ یێ بەردەوامبم.
هەروەسا گۆت: بۆ هەر پێشڤەچوونەكێ یان گەهشتن ب ئارمانجەكێ پێدڤیە مرۆڤ ل دووف بچیت و قوربانیێ بۆ بدەت، ل رادیۆیێ من خوە پێگەهاندیە هەتا بشێم ببمە دەرهێنەر و مۆنتێر و بەرپرسێ پشكا سۆشیالێ و هەر دەزگەهەكێ دڤێت پێشبكەڤیت و پشتەڤانان ل خوە زێدە بكەت پێدڤیە بزانیت كو چو جه وەكو سۆسیال مەدیایێ پەیاما وی بلەز ناگەهینن، لەورا ئەم ژی نوكە خودان ئەكاوەنتێن سۆشیالێ نە و مە شیایە پەیاما خوە بگەهینە هەموو جیهانێ.
