بۆ هەیڤا رەمەزانێ كلیپەك د ڕێ دایە
دلۆڤان هالۆ:
سترانبێژ (سیابەند زاخۆیی) د دیدارەكێ دا بۆ رۆژنامەیا ئەڤرۆ دیاركر كو دەمەكە ئەو مژوولی تۆماركرنا سرودەكا ئاینی یە و دێ د هەیڤا رەمەزانا پیرۆزدا بەلاڤكەت، پشتی وێ سرودێ ژی هندەك ستران و كلیپێن نوو دڕێ دا هەنە و د بەرنامەیێ وی دایە وانژی تۆماربكەت.
سیابەندی گۆت: پەیڤێن سرودا ئاینی یێن (دلۆڤان سەعید) ن، ئاوازا وێ ژی بیانیە، هیڤیا من ئەوە ئەز بشێم دەرحەقی وێ سرودێ دەركەڤم و بكەمە دیاری دوێ هەیڤا پیرۆز دا، بۆ زانیین دووماهی كلیپا من ل سالا بۆری ب ناڤێ (ئێدی بەسە) كو ژ پەیڤ و ئاوازێن منن بوو، هەروەسا هەتا نوكە من ئەلبۆمەكا سترانان و (17) كلیپ بەلاڤكرینە و ل سالا 2014 ئەز ب ڤیدیۆ كلیپا ( برن دەلالامن) كو ژ پەیڤێن (ئازاد مستەفا) بوون ئەز گەلەك بەرنیاس بووم.
