بۆ هەیڤا رەمەزانێ پشكداری درامایەكێ بوویمە
پەروین سەلاح:
ئەكتەرا گەنج (ئیڤا كوردیش) د دیدارەكێ دا بۆ رۆژنامەیا ئەڤرۆ گۆت: ژبەركو دژیەكێ بچووكدا من حەزژ كارێ ئەكتەریێ دكر گەلەك جاران ئەز دچوومە بەر قودیكێ و من زارڤەكرنا هندەك ئەكتەران دكر و پشتی دەلیڤەهاتی مە دەستپێكر و ب كارێ خوە یا سەرفەرازم.
هەروەسا گۆت: پشتی كاودانێن ب سەرمەدا هاتین، چ ب خۆشی یان نەخۆشی، ئەو چەندە بوو ئەگەر كو پتر یا رژدبم ل سەرحەزا خوە و ببمە ئەكتەر و پشتەڤانێ من یێ سەرەكی برایێ منە، دووماهی كارێ من من پشكداری د درامایەكێ دا كریە كو ل بەرە ل هەیڤا رەمەزانێ ل كەنالێ وار بهێتە نیشادان، بۆ زانین دئەكتەریێ دا ئەز حەزژ رۆلێن توند ناكەم، بەلكو پتر حەزژ رۆلێن خەمگین و پر دلۆڤانی دكەم و دێ بزاڤێ كەم بەردەوام خوە پێشبێخم و هیڤیا من ئەوە ئەز ببمە ئەكتەرەكا بەرنیاس.
