بۆ پاراستنا جادەیان بارێ شەش ملیۆن و 639 هەزار ترومبێلان هاتیە رێكخستن
دهۆك، لەزگین جۆقی:
رێڤەبەریا گشتی یا رێك و پران و ئاڤەدانكرن و ئاكنجیبوونێ ل پارێزگەها دهۆكێ دیاركر، پێخەمەت پاراستنا جادە و نەهێلانا راكرنا بارێ زێدە ژ لایێ ترومبێلێن بارهەلگر ڤە، باری شەش ملیۆن و 639 ترۆمبێلێن بارهەلگر هاتیە رێكخستن.
رێدیر سلێمان خەمۆ، جێگرێ رێڤەبەرێ گشتی یێ رێك و پران و ئاڤەدانكرن و ئاكنجیبوونێ ل پارێزگەها دهۆكێ گۆت: «میزانێن كێشانا ترومبێلان ل سەر جادەیان هاتینە دانان، ب تایبەت بۆ كیشانا بارێ ترومبێلێن بارهەلگر، داكو ژ بارێ خۆ زێدەتر رانەكەن و جادە تێك نەچن، چونكو گەلەك جاران بارێ زێدە دبیتە ئەگەرێ تێكچوونا جادەیان، نوكە ئەم بارێ وان ترومبێلان رێك دئێخین، یێن باران ڤەدگوهێزن، ب مەرەما پاراستنا رێكان، هەتا نوكە بارێ شەش ملیۆن و 639 ترومبێلێن بارهەلگر هاتیە رێكخستن».
