بۆ پاراستنا ناسناڤێ خوه ئافره‌تێن دهۆك پێدڤی ب ریمونتادایێ یه
ئه‌ڤرۆ، زنار:
بڕیاره رۆژا ئه‌ینیا بهێت تیما فوتسالا ئافره‌تێن دهۆك بیته مێڤانا ئافره‌تێن هه‌ولێر ژ یاریێن گه‌را شه‌شێ و دووماهیا خولا فوتسالا كچێن كوردستانێ كو د ڤێ یاریێ دا ئافره‌تێن دهۆك پێدڤی ب ریمونتادایه‌كێ یه تاكو پارێزگاریا ناسناڤێ خولێ بكه‌ت.
نوكه ئافره‌تێن هه‌ولێر سه‌ركێشا ڤێ قوناغا چارگوشا زێرین دكه‌ت ب پازده خالان و ئافره‌تێن دهۆك رێزا دویێ هه‌ڤركیا وێ دكه‌ت ب دوازده خالان لێ د یاریا هاتنێ دا ئافره‌تێن هه‌ولێر ب چار گۆلان بێ به‌رامبه‌ر سه‌ركه‌فتن ئینایه له‌ورا دڤێت ئافره‌تێن دهۆك سه‌ركه‌فتنێ ب جوداهیا زێده‌تری چار گۆلانه تاكو دوباره ناسناڤێ خولێ ڤه‌گه‌رینته پارێزگه‌ها دهۆكێ.
ل دۆر ڤێ یاریێ زینه جه‌میل راهێنه‌را ئافره‌تێن دهۆكێ بۆ رۆژناما ئه‌ڤرۆ گۆت: یاریا دووماهیا خولێ یه و پێدڤی ب سه‌ركه‌فتنێ نه ب جوداهیا پێنج گۆلان لێ ئه‌ڤ چه‌نده نه‌یا مه‌حاله د یاریا فوتسالێ دا له‌ورا دێ ب هه‌موو شیانێن خوه بۆ سه‌ركه‌فتنێ كه‌ین و پارێزگاری كرنا ناسناڤێ خولێ ل ڤی وه‌رزی ژی بۆ پارێزگه‌ها دهۆكێ.
راهێنه‌را نافهاتی ئه‌و چه‌نده ژی دیاركر ژبه‌ر فشارا یاریان كو د حه‌فتیێ دو یاری تیمێ ئه‌نجامداینه دو یاریزانێن تیمێ د هنگافتنی نه ئه‌و ژی رۆژین سه‌عید و دێرین مه‌حمود لێ به‌ری یاریێ دێ بووچوونا نوشدارێ تیمێ وه‌رگرین بۆ ئه‌نجامدانا یاریێ ب ڤان هه‌ردو یاریزانان.
