بۆ چێكرنا ئامیران پێدڤی ب پشتەڤانیێ یە
هەرهین محەمەد:
ئەیمەن رەشید، گەنجەكێ راهێنەرێ لەشجۆانیێ یە رابوویە ب چێكرنا ئامیرەكێ وەرزشی ژ جۆرێ (هەمەر) كو دشیان دایە دەه جۆرێن وەرزشان ل سەر بهێنەكرن و ب هەركێشەیەكا هەبیت.
ناڤهاتی دیدارەكێ دا بۆ ئەڤرۆ دبێژیت: چێكرنا ئەڤی ئامیرێ وەرزشی ژ هزرا من بوویە و گەلەك كەرەستەیێن وی ژ دەرڤەی وەلاتی من داخوزكرینە و دیزاینا وی ژی بۆ ئێكەم جارە دهێتە چێكرن و من چ مفا ژ ئەنترنێتێ نە دیتیە هەموو دیزاین ژ هزرامن ب خوە بوویە، هەموو كەس دشێن ل سەر ئەڤی ئامیرەی راهێنانان بكەن، بەلێ دڤێت ب چەند هەیڤان وەرزش كربیت دا كو بشێت ب دروستی راهێنانان بكەت و ئەڤ ئامیرە ژ بۆ شداندن و مەزنكرنا ماسۆلكایە.
هێشتا گۆت: ئەڤە نێزیكی دو هەیڤایە ئەڤ ئامیرە من دانایە هولا خوە و گەلەك قارەمان و راهێنەر ژی هاتینە ژ بۆ دیتنا ڤی ئامیرەی دەه ل سەر دەهێ دایێ و گەلەك ئامیرەیێن دی مینا ئەڤی ئامیری د هزرامن داهەنە و دشیانێن من ژی دایە چێكەم، بەلێ ئەز پێدڤی پشتەڤانیێ مە ژ بۆ دروستكرنا ئەڤان ئامیرەیان.
