بۆ ڤاڤارتنێن كۆپا ئاسیا دو یاریزانێن كورد گەهشتنە كوێتێ
راهێنەرێ هەلبژارتیێ ئۆلمپی یێ ئیراقێ رازی شنێشل پێنچ یاریزانێن پیشەكار یێن ڕەڤەندا كورد و ئیراقی ل ئۆرۆپا داخوازكرینە ناڤ رێزین تیمێ دا خوە بەرهەڤكرن بۆ ڤاڤارتنێن كۆما شەشێ یا قارەمانییا كۆپا ئاسیا یا تەپا پێی ئەوا بڕیارە هەڤڕكیێن وێ ل چارشەمبییا بهێت وەلاتێ كوێت مێڤاندارییا وێ كەت.
د لیستەیا یاریزانێن داخوازكری هەر ئێك ژ یوسف ئەلئیمام یاریزانێ یانەیا مالمۆ یا سویدی و بلند حەسەن یاریزانێ یانەیا گرافشاب یا هۆلەندی بۆ ناڤ رێزێن هەلبژارتیێ ئۆلمپیێ ئیراقێ دانە خوە بەرهەڤكرن بۆ ڤاڤارتنێن كۆما شەشێ یا قارەمانییا ئاسیا كو پێكهاتینە ژ هەلبژارتیێن ئیراق، كوێت، تەیمۆر شەرقییە و ماكاۆ و یاریێن وێ بشێوەیێ كۆمڤەبوونە ل وەلاتێ كوێت بۆ ماوەیێ نەهـ رۆژان ل چارێ ڤێ هەیڤێ دەستپێكەت.
بۆ زانین یاریزان یوسف ئەلئیمام خەلكێ باژێرێ ئاكرێ یە ل هێلا بەرەڤانیێ یاریێ دكەت ژیێ وی 19 سالە، ل قارەمانییا رۆژئاڤا ئاسیا ل سەر ئاستێ ئۆلمپی وەكو ئێك باشترین یاریزان هاتبوو دیاركرن پشتی دگەل هەلبژارتیێ ئیراقێ ناسناڤ دەستڤە ئینایی، ژلایێ خوەڤە بلند حەسەن ئازاد خەلكێ باژێرێ كەركووكێ یە د ژیێ 21ێ سالی دایە.
