بۆ ھەڤژینان.. زیانێن قەرقەشێ
ئەڤرۆ نیوز:
لێککەفتن و قەرقەشا د ناڤبەرا ھەڤژینان دا دبیتە ئەگەرێ دودلی و نەئارامیێ و ژ دەستدانا تێنا ئەرێنی د ناڤ مالێ دا، کو پێدڤیە ھندەک رێ ھەبن نەھێلن ئەڤ چەندە روودەت.
ب ڤان رێیان نەھێلە قەرقەشە د ناڤبەرا ھەوە دا چێبیت:
– وان بابەتان ھەلبژێرە کو د بنیات دا وی دڤێت گەنگەشێ ل سەر بکەت، گەلەک قەرقەشێن درێژ د بێ ناڤەرۆکن ھەکە ل سەر بنیاتێ گرنگیێ و بھایی ھەلسەنگینن.
– ھەمی دەمان پرسیار ژ خوە بکە: ئەرێ رەوش یا گونجایە بۆ قەرقەشێ؟ بەرێخوە بدە ھوکارێن ساخلەمی و گێول و برس و تۆرەبوون یان چاڤەرێکرنا مێھڤانان، و ھەمی ھوکارێن دی بەری تو دەست ب قەرقەشێ بکەی.
– خوە فێری نەرماتیێ و خوەراگرتنێ بکە، دا پتر کونترۆلێ ل سەر گەنگەشان بکەی دا نەگەھنە قەرقەشێ.
– بلا چاڤێ تە ل ساخلەتێن باشێن ھەڤژینێ تەبن، بەری تو دەست ب قەرقەشەکا خرش بکەی کو گەلەک ئاخفتنێن رەق و نەخۆش ژێ دەردکەڤن.
– بۆ ھەلسەنگاندنا ھەر بابەتەکی 24 سەعەتان دەلیڤێ بدە خوە، دا بزانی کا ئەو بابەت یێ ژ ھەژیە تو ل سەر راوەستی و بکەیە بابەتێ گەنگەشێ یان نە.
– بابەتان پرت پرت نەکە و گەنگەشێ ل سەر خالەکا دیار بکە، دا دوبەرەکیێ کێم بکەی نە بازنێ وێ بەرفرەە بکەی دا دوبەرەکیێن کەڤن ژی بھێنە ناڤ بابەتی.
– ھەکە تە دیت قەرقەشە گەرم و گور بوو، گەنگەشێ پاشبێخنە ئێڤاری یان رۆژا پاشتر یان ژی پشتی ژ گەریانەکێ دزڤرن. دێ بینی کاروباران سەمتەکا ژیرتر یا وەرگرتی.
