بۆ ھەڤژینان.. سەرا نەبوونا مووچەی لێکنەکەڤن
ئەڤرۆ نیوز:
کاروبارێن دارایی کەتوارەکە د ژیانا ھەڤژینان دا و پێدڤیە دادکوکی ل سەر بھێتە کرن و سەرەدەریەکا باش د گەل دا بھێتە کرن، ژبەرکو دبیت کاروبارێن دارایی گەلەک دوبەرەکیان د ناڤبەرا وان دا پەیدا بکەت.
دێ چاوا شێن وان دوبەرەکیێن سەرا نەبوونا مووچەی د ناڤبەرا خوە دا چارە کەن؟
1- راستگۆیی:
ل دەستپێکێ یا باشە ئەوە گۆتوبێژان ل دۆر کاروبارێن دارایی بکەن، ب راستی ژی بۆ ھەڤدو بێژن کا ھەر ئێک ژھەوە چەند پارە بۆ مەزاختیێن کەسوکی پێدڤینە، پاشی دێ شێن مەزاختیێن مالێ دەستنیشان کەن و دا نەکەڤنە ئاریشێن دارایی یان تووشی مفلسیێ نەبن، ژبەرکو یا زانایە مووچە گەلەک گیرۆ دبن، ژبلی وێ چەندێ کو ھندەک ژێ ھاتیە بڕین.
2- پێکڤە چارەیان بۆ وان ئاریشەیان ببینن:
ئاریشەیێن دارایی و ئاریشەیێن دی یێن ھەڤژینان پێدڤیە ھەردو ئالی پشکداریێ تێدا بکەن و پێکڤە چارەیان بۆ ئاریشەیان ببینن، ھەکە ئێک ژ ھەردویان تووشی گرفتاریەکا دارایی بوو، پێدڤیە ئالیێ دی دەستێ ھاریکاریێ بۆ درێژ بکەت، ھەلبەت ھەکە ھەردو خودان مووچە و داھات بن.
3- دەستنیشان کرنا بودجەیەکی:
رێیا ژ ھەموویان باشتر بۆ نەکەفتنا د ئاریشێن دارایی دا، و بساناھیترین رێ بۆ چارەکرنا وان ئاریشان، ئەوە ھەردو بودجەیەکێ بۆ کاروبارێن ناڤمالێ دەستنیشان بکەن، وی بودجەیی ژی ھەمی پێدڤیێن ناڤمالێ د گەل کۆژمێ پێدڤی تێدا بھێنە دەستنیشان کرن.
4- ھژمارا لاوەکی:
د ھەموو قۆناغێن ژیانێ دا پێدڤیە پارەیەکێ لاوەکی یێ ھلگرتی ھەبیت بۆ حالەتێن تەنگاڤی یێن بێ زانین دکەڤنە رێیا مرۆڤی، حالەتێن تەنگاڤی ژی گەلەک دگەڤنە د رێیا ژیانا ھەڤژینان دا، لەورا یا پێدڤیە ھەردو ھەڤژین ل سەر مەزاختنا پاران رێککەڤن دا ل تەنگاڤیا مەحتل نەبن، ئەو ژی دشێن ھەردو کۆژمەیەکێ بچووک یێ پارەی ھەیڤانە پێکڤە راکەن، ل دەمێ تەنگاڤیان بمەزێخن.
