بیاڤ مه‌جید: هاتنا من بۆ ناڤ وه‌رزشێ نه‌یا چاڤه‌رێكری بوو
دهۆك، نه‌وزاد هلۆری:
بیاڤ مه‌جید، بێژه‌را كه‌نالێ دهۆك سپۆرت، د دیداره‌كێ دا بۆ رۆژناما ئه‌ڤرۆ گۆت: پشتی من پشكا رۆژنامه‌ڤانی ل په‌یمانگه‌ها پولیته‌كنیك/دهۆك ب دووماهی ئینای، من حه‌زكر دبۆارێ خوه دا كاربكه‌م، كو ئه‌و ژی راگه‌هاندنه، ل 2020 ده‌لیڤه بۆ من هات چوومه رادیۆیا دهۆك و من ده‌نگوباس دخواندن، لێ نوكه بوویمه بێژه‌را وه‌رزشی ل كه‌نالێ دهۆك، بێگومان ئه‌ڤ كاره یێ ب ساناهی نینه، چنكو دڤێت مرۆڤی به‌گره‌وه‌نده‌كێ وه‌رزشی هه‌بیت، لێ به‌ری نوكه ل قوتابحانێ ژی من وه‌رزش دكر، ب تایبه‌ت یاریا غاردانێ.
ناڤهاتی، كو ژدایكبوویا سالا (2000) یه، هێشتا گۆت: بۆ زانین هاتنا من بۆ ناڤ وه‌رزشێ نه‌یا چاڤه‌رێكری بوو، لێ وه‌كو پلان من ل به‌ره كارێ پێشكێشكاریێ بۆ به‌رنامان ژی بكه‌م، ژوانا به‌رنامێن هونه‌ری و سیاسی و ئابووری و هه‌كه پتر پشته‌ڤانی بۆ وه‌رزشا كوردستانێ هه‌بیت مه یانه‌یێن باش هه‌روه‌سا مه‌دیاكارێن باش دبۆرارێ وه‌رزشێ دا هه‌نه دێ شێن باشتر رۆلێ خوه بینن و ئاستێ وه‌رزشێ به‌ر ب پێشڤه‌به‌ن.
