بیرهاتنا ڕک

قەهرمان عەبدولا بەرواری

هەمی سپێدەهیان..
دەمێ ڤێ رێکا پەیادە دگرمە بەر
هەمی مرۆڤێن ڤی باژێری دبینم
دێمێن وان یێن پوسیدە هێدی هێدی
ل بەر چاڤێن من غەوارە دبن و
دبەر منرا دبۆرن چەپ و راست
دەنگێن وان هێدی هێدی ..
دەفێن گوهێن من ناپێکن و
گز گز دبن چەپ و راست
زەنگە زەنگا تەلەفۆنا من هێدی هێدی ..
کپ و مت دمینیت چەپ و راست
پێنگاڤێن وان رێکا ئاراستا من ناکێلن و
رێکێن لا ب لا دپیڤن چەپ و راست
گڕنژین ل پەی گڕنژینێ ..
د سندریکاندا بژالە دبن چەپ و راست
چ نامەیێن sms ناهێن چەپ و راست
چ نامەیێن (فەیسبۆک و تیکتۆک)ان ناگەهن
بتنێ .. بتنێ ..
بیرهاتنا تە نەبیت ..
بێ دەستویری ..
دەرگەهێ دلێ من ژبن ڕادکەت و
پێخاس دهێتە ژۆر چەپ و راست

کۆمێنتا تە