بیره‌وه‌ریا شۆڕه‌شا گولانێ ب چه‌ند چالاكیا ل ئاكرێ هاته ساخكرن
ئاكرێ، ره‌مه‌زان زه‌كه‌ریا:
ل سنوورێ ده‌ڤه‌رداریا ئاكرێ ب هه‌لكه‌فتا 46 سالیا شۆڕه‌شا گولاتنا پێشكه‌فتنخواز ل باره‌گه‌هێ لقێ نه‌هێ پارتی دیموكراتی كوردستان و ل ژنێن رزگاری و ئاكرێ چه‌ندین چالاكی هاتنه ئه‌نجامدان و پێشانگه‌هێن وێنه‌یێن شۆڕه‌شێ هاتنه ڤه‌كرن و په‌رده ل سه‌ر وێنه‌یێ سه‌رۆك بارزانی ل باره‌گه‌هێ لقێ نه‌هـ ل ئاكرێ هاته لادان.
ل ده‌ستپێكا رێوره‌سمان ب هه‌لكه‌فتا بیره‌وه‌ریا شۆڕه‌شا 26ی گولانا پێشكه‌فتنخواز و ب به‌رهه‌ڤبوونا هه‌ژماره‌كا سازیێن سیاسی و حكومی و پێشمه‌رگه‌هێن شۆڕه‌شا گولانێ ل باره‌گه‌هێ لقێ نه‌هـ یێ پارتی دیموكراتی كوردستان په‌رده ل سه‌ر وێنه‌یێ سه‌رۆك مه‌سعود بارزانی هاته لادان.
ژ لایه‌كێ دیڤه ب هه‌مان هه‌لكه‌فت و ب به‌رهه‌ڤبوونا پێشمه‌رگه‌هێن شۆڕه‌شا گولانێ و هژماره‌كا به‌رچاڤ یا خه‌لكێ ده‌ڤه‌رێ لقێ نه‌هـ یێ پارتی دیموكراتی كوردستان پێشانگه‌هه‌كا وێنێن پێشمه‌رگه‌هێن شۆڕه‌شا گولانێ ڤه‌كر، كو وێنه‌یێن ڤێ پێشانگه‌هێ ده‌ربڕین ژ خه‌بات و به‌رخودان و فیداكاری یا پێشمه‌رگه‌هێن سه‌رده‌مێ شۆڕه‌شا گولانێ دكر.
دیسا هه‌ر ب هه‌مان هه‌لكه‌فت، هه‌ردو لژنێن ناوچێن رزگاری و ئاكرێ دو سمینار ئه‌نجامدان و تێدا به‌حسێ شۆڕه‌شا گولانێ هاته كرن.
