بیرەوەریا وەغەرا جوانەمەرگ «ئەیاز زاخۆیی» هندەک پرسیار و بەرسڤ و راستی
جه مال به رواری
هەژده سال بوورین ل سەر وەغەرا هونەرمەندێ جوانەمەرگ ئەیاز زاخۆیی تا كو ئەڤرۆ هندەک پسیار ل دۆر وەغەرا وی یا دووماهیێ دهێنەکرن و هەر ئێک ب رەنگەکی بەرسڤا وان پرسیاران ددەت، گەلەک هەنە دبێژن حکومەتا وی سەردەمی دەرزیەک بۆ دانابوو و کۆشتن؟؟
ئەیاز یوسف زابگ مووچە نەبوو ل سوپایێ ئیراقی
ئەز دێ یا من دیتی و دزانم بێژم.
ئەیاز وەک كورێ مالێبوو و مالا مه ل بەغدا نێزیكی رادیۆیا كوردیا بەغدا بوو.
ئەیاز دا ژ دەواما لەشکری ل ئەبو غوریب زڤریت و دا هێتە مال خوە گوهۆڕیت و جلکێن مەدەنی كەته بەرخوە و هێتە دەفمن ل رادیۆیێ.
دووماهی رۆژا هاتیه مال و هاتیه رادیۆیی گۆتی بەرێ خوە بدەنه من ئەز چەندێ لاواز بوویم ئەز یێ دمرم مه گۆتێ نه نه ب حەزکرنا خودایێ مەزن و دلۆڤان تو یێ باشی ئینا سویند ب خودایێ مەزن خوار وگۆتی ئەڤە هەمی جلكن لبەر من ئەو رۆژا دووماهیێ بوو من ئەیاز دیتی.
مەغرەبە و ئەز یێ ل رادیۆیێ زەنگا تەلەفۆنا بەرنامێ دگەل گوهداران هاتە لێدان من بەرسڤا تەلەفۆنێ دا دەنگێ کچەکێ هات و یا دکەتە گری من گۆتێ تە خێرە بۆچی دکەیە گری ب گری ڤە بەرسڤ دا و گۆت ما تو نوزانی چ چێبوویە ئەیاز چوو بەر دلۆڤانیا خودێ.
من تۆمارا دەنگێ وێ كچكێ هنارته ستودیویا رادیۆیێ و مه بەلاڤکر پشتی بەلاڤبوونا خەبەری ب سەدان تەلەفۆن هاتن من ئه و ده نگ هه موو وه ك بەرنامە بۆ دەمێ شەش دەمژمێرا ل رادیۆیا كوردی بەلاڤکرن.
پشتی سترانا چبكەم ئەز ژ پەیڤێن دكتور بەدرخان سندی و ئاوازین سەمیر زاخویی و ل رادیۆیا كوردیا بەغدا هاتیه وەشاندن پتر ناڤ و ده نگی ئه یازی به لاڤه بوو.
ئه یاز یوسف ئەحمەد نازناڤێ وی ئه یاز زاخۆیی به لاڤه ژ مالەكا هونەر و وهونه ر دوسته ژ مرۆڤێن نێزیكی هونەرمەن بشار زاخۆییه مامی وی ته وشیحین ئاینی دگۆتن هه روەسا نێزیكی هونەرمەند سەمیر زاخۆیی یه.
لسالا ١٩٦٠ ل زاخۆ ژ دایكبوویه ئامادەیا چاندنی ل زاخۆ ب دووماهی ئینایە دووڤ دا بوویە ئەفسەر ل ئەبو غوریب.
مخابن نەخۆشیا وی رۆژ بۆ رۆژی گرانتر لێ دهات و نەشیا خوە لبەربگریت نەخۆشیا سل پشتی سەرەدانا نۆشدارا کری و گۆتنی نەخۆشیا ته سللا مێلاکێ لێ ئەوی نەخۆشیا خوە ڤەدشارت و نهدگۆتە کەسێ و
هاته ڤەگوستن بۆ نەخۆشخانا میسل یا لەشكری و ل وێرێ وەغەرا دووماهیێ كر
