بیرەوەریا 62 سالیا شۆڕەشا ئیلۆنێ ل ئامێدیێ هاتە ساخكرن
ئامێدیێ، مەحمود نهێلی:
ب هەلكەفتا بۆرینا ٦٢ سالان ل سەر شۆڕەشا ئیلۆنێ و هەلكرنا ئێكەم چریسكا شۆڕەشێ، ل سنوورێ لقێ 18 یێ پارتی ل ئامێدیێ چەندین چالاكی هاتنە ئەنجامدان و شەرەفا ئەندامەتیێ ب پتر ژ 400 ئەندامان هاتە بەخشین.
هەر ب ڤێ هەلكەفتێ ل سنوورێ ناوچەداریا دێرەلۆكێ و د رێورەسمەكی دا ب ئامادەبوونا بەرەڤان حەمدی، بەرپرسێ لقێ 18 یێ پارتی شەرەفا ئەندامەتیێ ب ٤١٠ ئەندامێن نوو هاتە بەخشین.
د رێورەسمان دا بەرەڤان حەمدی د پەیڤەكی دا زێدەباری پیرۆزباهیان ب ئەندامێن نوو دیار كر، ئەڤرۆ ٦٢ سال دەربازبوون ل سەر شۆڕەشا ئیلۆنێ، لێ هێشتا ئارمانجێن شۆڕەشێ ب دروستی ب دەست ڤە نەهاتینە و ژ بەر وێ یەكێ شۆڕەش یا بەردەوامە بۆ پاراستا قەوارێ هەرێما كوردستانێ و ب دەستڤەئینانا مافێن گەلێن كوردستانێ.
هەر ب ڤێ هەلكەفتێ بەرەڤان حەمدی بەرپرسێ لقێ 18 سەرەدانا مال و خێزانێن هەژمارەكا زۆرا پێشمەرگەیێن شۆڕەشا ئیلۆنێ كر و داخوازا ساخی و سلامەتیێ بۆ خواست.
