بیرەوەرییا بـوونـا سیمبۆلـێ‌ كـوردینیێ

بیرەوەرییا بـوونـا سیمبۆلـێ‌ كـوردینیێ

3

مـووسا ئـەحمەد زێبـاری

بەرییا ٧٩ سالان كو ل (16/8/1946) ل باژارێ‌ (مهاباد) ـ سابلاخا جاران، ل بن ئالایێ پیرۆزێ كوردستانێ زارۆیەكی چاڤێن خۆ ل هەمبەر دونیایێ ڤەكرن و دیت ڕۆناهیا ڕۆژێ ل نیڤا پارچە پەڕۆكەكی ددەت كو ب چار رەنگان هاتیە خەملاندن، ئەو ژی (سۆر و زەر و كەسك و سپی) و یێ دلڤلڤیت ژ بۆ باوەشینك و سیبەرا زارۆیەكێ تازە ژدایكبوویی، لێ یا سەرنج ئەوە كو ئەڤ ئالایە ب دەستێ ڤی زارۆكی هاتە پاراستن، ئەرێ ئەڤ زاڕۆییە كی بوو؟ ئەو رابەر و سەروەر و لێڤەگەڕێ ٤٧ ملیۆن كوردانە، سەرۆك مەسعود مەلا مستەفا بارزانی، هەروەسا د هەر ڤێ ڕۆژێ دا و ل سەر بڕیار و دەستێ جەنابێ مەلا مستەفا بارزانی بڕیارا دامەزراندن و ڕاگەهاندنا پارتەكێ هاتەدان كو ئەوژی (پارتی دیموكراتی كورد) بوو و ل كۆنگرەیێ ٣یێ پارتی ل كەركووك ل سالا ١٩٥٣ ناڤی ڤێ پارتی هاتە گوهۆڕین بۆ (پارتی دیموكراتی كوردستان) كو ئەڤ پارتە بوویە دەزگەه و پڕەكا گرنك بۆ جەماوەرێ ب شەڕەفێ كوردستانێ ژبۆ كو ئازادیا خۆ ببینن و بیر ل ئازادكرنا ئاخا پیرۆزا كوردستانێ بكەن، سەرۆك بارزانی ل ژیێ ١٦ ساڵیێ دەست دایە چەكی شەڕەفێ كو بڕنۆیەكا بچویك بوو و ململێ بابی خۆ (مەلا مستەفا بارزانی، بارزانیی نەمر) پیشمەرگایەتی دەستپێكریە و دەست ب خەبات و تێكۆشینێ كریە و هەتا ڤێ خۆلەكێ تاكە كارێ وی ل جیهانێ و ئیراقێ ب گشتی و ل هەرێما كوردستانێ ب تایبەتی، خوینا خۆ ژی ل سەر ڤێ ئالایێ دادنیت، بتنێ داكو ئەڤ ئالایە و ئەڤ ڕێبازە و ئەڤ ئاخە و ئەڤ هەرێمە پاراستی بیت و بگەهیتە هیڤی و ئارمانجێن خ، كو ئەو ژی (دەولەتا كوردستانێ یە)، بێگومان كورد ل هەر قولاچەكا دونیایێ بیت و كوردینیا ڕاستەقینە ل ناڤ دل و مێشكێن وی دابیت، دێ سەرۆك مەسعود بارزانی ب سەرۆكێ خۆ دانیت، ژبەركو تاكە سەركردەیە هەمی ژیانا خۆ ب خەباتێ بەخش كریە بۆ پاراستنا دۆزا ڕەوایا گەلێ كوردستانێ و د نوكە دا هەمی پیلانێن حوكمەتا ئیراقا فیدرال ئەوە كو هەروەكو زنجیرەیا دەستهەلاتا بەری وان كو ب قوتكرنا قووتێ فەرمانبەر و خەلكێ هەرێما كوردستانێ ڕادبن، داكو ئەڤ خەلكە دژی ڤی سەرۆكی راببیت بەلێ دبێژین و دبێژینەڤە كو مە ل گەل جەنابێ سەرۆك بارزانی سۆز و وەفایا بیروباوەڕیێ‌ دایە نەك بۆ مووچەكێ یان بڕە پارەكێ، بەلكو بۆ پاراستنا دۆزا ڕەوایا گەلێ كوردستانێ یە، ژبەر ڤێ چەندێ ل هەر سال ل ١٦ێ تەباخ هەر كوردەكێ دلسۆز و هەر ئەندام و كادر و لایەنگر و دلسۆزین ڕێبازا پارتی و بارزانی ئەڤێ یادێ ب پیرۆزی دبینینن و ساخ دكەینەڤە، ل دووماهیێ دبێژم خودایێ مەزن تەمەنێ جەنابێ سەرۆك بارزانی بۆمە درێژ بكەت و بەرەكەتێ بێختە ناڤ تەمەنێ وی.

کۆمێنتا تە