بیست هایكۆ – هەلبەست

بیست هایكۆ – هەلبەست

0

عەدنان ئەحمەد مزووری

نزا وەرزە دكەت،
یان ئاخە مە دكێشتە خۆ
دەرئەنجام ئێكە
———-
لەهی یا شێلی
هەل دبوو پرا لبەر مرنێ
ڕەوشا ژارەكی
———-
پشیكا ڕەشە
ل سەر هندێ بچاڤەكی یە
ڕەشبینیا چار پێ
———
مێژوویەك زێرین
و ب هزاران یادگار سۆتن
نە تنێ كاژ بوو
——–
وانا هەولدا
ب سەڕاد و بێژینكان
یێن هویر (سەركەتن)!

———-
كویسەلە كەت دویڤ
پلنگێ دزی كری
درامایا كەنیێ
————-
چەندا كەهی یە
یا ڕەشاندی ب بیرهاتنان
دەڕازینكا تە
————–
ڕكابەری یە
وێ ڕوی یێ خۆ بۆیاغ دكر
ئەوی ژی پێلاڤ
—————–
هەر پێكڤە بریان
بەفر و دلێن وەك بەفرێ
بەختێ ڕەش دزانیت
—————–
ئەڤ خازخازۆكە
هیڤیا بارانەكێ نە
عەڤر نە ڕاستن
—————
كۆترەكا سپی با
یان تاكەكێ زەیتینێ
خەونا شەڕكەری
—————-
ل بیابانێ
دارستانێ سەرهلدا
مریێن بێگونەهـ
————–
ڕەها چ نەما
نالێنەك ژ بەلگا دهێت
سالێ دەرگەهـ گرت
————–
سەرێ دەرزیكێ
پڤدانكێ دپەقینیت
دەرڤەی پێشبینیان
—————-
ل تارییا كویر
هەیڤا چاردە شەڤی یە
برسەكە و نانەك
————–
دێ هند ئاخ هەبیت
تێرا وان بكەت یێن هەر ئێك
ل هیڤییا مستەكێ؟

————
دێ چی بەر ماسییا،
ب دەست تە دكەڤن، ناكەڤن
هەر وەك دەرفەتان
————
چەند حەزدكەت، باران
ل ناخی ژی ب باریت
دا ئۆمێد شین بن
———–
تو یێ ل هیڤیا من،
دا تێهنا خۆ بشكێنی،
ها بۆ تە دیتنەك
————
بچویكن و جەژنە
جەژن چوو ئو بچویك مان
خەونەك دبوو هەلم.

کۆمێنتا تە