بینه‌ری به‌هره‌مه‌كێ نوو به‌لاڤكر
ئه‌ڤرۆ:
هونه‌رمه‌ند (بینه‌ر عادل)ی نووترین به‌رهه‌مێ خوه بناڤێ (عه‌یشانێ) به‌لاڤكر كو به‌رهه‌مه‌كێ فولكلۆرێ كوردیه و ب شێوه‌یێ ڤیدیۆ كلیپ هاتیه به‌رهه‌مئینان.
بینه‌ری دیار كر كو (عه‌یشانێ) به‌رهه‌مه‌كێ فولكلۆری یه و كارێ به‌لاڤكرنا مۆزیكێ ژ لایێ (هارون ئه‌لكی) هونه‌رمه‌ندێ باكوورێ كوردستانێ ڤه هاتیه ئه‌نجامدان و ل رۆژێن دووماهیا سالا بۆری ئه‌ڤ به‌رهه‌مه هاتیه به‌لاڤكرن و بۆ رووداو گۆت: “ئه‌ڤ به‌رهه‌مه ژ سیناریۆ و ده‌رهێنانا هونه‌رمه‌ند (هه‌ژار دهۆكی) یه و ل باژێڕێ ئیسته‌نبۆلێ یێ وه‌لاتێ توركیا هاتیه وێنه‌كرن و ل كه‌نالێ من یێ یوتیوبی هاتیه به‌لاڤكرن”.
ناڤهاتی ئاماژه دا وێ چه‌ندێ كو ژ سیناریۆیا ڤێ ڤیدیۆ كلیپێ یا دیاره كو كچكه‌كێ ب زووری دده‌نه شوی كو ئه‌و كه‌س ژ وێ ب ته‌مه‌نتره، به‌لێ ئه‌و كچ بۆ گه‌هشتنا خوه‌شتڤیێ خوه ژ ئاهه‌نگا ماره‌بڕینێ ده‌ردكه‌ڤیت، د ڤی به‌رهه‌می دا گرۆپه‌كێ هونه‌رێ مللی و ژماره‌كا سه‌ماكاران تێدا پشكدارن.
بینه‌ر عادل، خه‌لكێ باشوورێ كوردستانێ یه و بۆ ده‌مێ 23 سالانه ل ئورۆپا دژیت و نوكه ئاكنجیێ به‌لجیكایه، ژ زارۆكینیا خوه حه‌زا كارێ هونه‌ری و مۆزیكێ هه‌بوو، حه‌فت تراكێن سترانان هه‌نه، ل سالا 2008 ڤیدیۆ كلیپا خوه یا ئێكێ بناڤێ (نه‌رمین)ێ به‌لاڤكربوو كو دیمه‌نێن وێ ڤیدیۆ كلیپێ ل وه‌لاتێ ئه‌لمانیا هاتبوونه وێنه‌كرن.
