بینەرێن كلیپێن من د یوتیۆپی دا ب ملیۆنانن
سۆلین سلێمان:
سترانبێژ (دیلان هونەر) كو ژیێ وی (32) سالن و خەلكێ پارێزگەها سلێمانیێ یە، د دیدارەكێ دا بۆ رۆژنامەیا ئەڤرۆ گۆت: نوكە ئەز پتر دچمە لایڤ مۆزیكان و سترانان دبێژم، بۆ زانین ئەز دەرچۆیێ پەیمانگەها هونەرێن جوانم و من پشكداری د ئاهەنگێن قوتابخانێ و چالاكیێن قوتابخانەیان و فەستیڤالێن پەیمانگەهێ دا كریە و من سترانێن هونەرمەندێن نەمر دگۆتن. هەروەسا گۆت: پاشان ل سالا (2011) من پشكداری د بەرنامەیەكێ دەنگخۆشیێ دا كر، ل (2016) ژی من سترانا خوە یا ئێكێ ب ناڤێ (سوێند) بەلاڤكر، د دووڤدا مە چەند كلیپێن دی بەلاڤكرن و خۆشحالم كو بینەرێن وان د یوتیۆپی دا ب ملیۆنانە.
