بینەرێن كورد و عەرەب مفای ژ ڤیدیۆیێن وی دبینن
هەرهین محەمەد:
جیهاد بەرواری، گەنجەكێ باژێرێ دهۆكێ یە، شارەزایە دبۆارێ سۆشیال میدیایێ دا، د دیدارەكێ دا بۆ ئەڤرۆ دبێژیت: بەری نوكە هەر كەسەكێ ئاریشەك دمۆبایلێ دا هەبا گرێدای سۆشیالێ با، یان هەرتشتەكێ دی دا تەلەفۆنا من كەت و ئەز رابووم من گۆت شوونا تەلەفۆن بۆ من بهێن ئەز ڤیدیۆیان دروستكەم دبیت گەلەك كەسێن دی مفاداربن و ل دەستپێكا سالا 2020 من ڤیدیۆ ب زمانێ عەرەبی چێدكرن، پاشان من ب زمانێ كوردی ژی چێكرن و د نوكە دا گەلەك كەس خوە بینەرێن عەرەب ژی مفای ژ ڤیدیۆیێن من دبینن و د كاری دا هەڤڕكیا باشە و ئەز هەڤڕكیا هەڤالێن خوە دكەم، بەلێ دا مفای ژئێك و دو دبینین و مەرەما من ژی ژ چێكرن و بەلاڤكرنا ڤن ڤیدیۆیان ئەوە خەلك بتنێ مفاداربن نەكو دا پێ بەرنیاس ببم.
هەروەسا گۆت: هەموو بەرنامەیێن سۆشیالێ د باوەری پێكرینە، بەلێ یێن ژهەمویان باشتر واتسئاپ و ئنستیگرامە، چونكو سكیۆرتیا وان گەلەك یا بهێزە و زەحمەت بهێنە دزین، كچ و ژنان پێزانین و شارەزای د سۆشیال میدیایێ دا نینن، لەورا گەلەك جاران نامەیان دهێنرن و ئەز ئاریشەێن وان یێن سوشیالێ چارەدكەم ب رێیا ڤیدیۆیان و د نوكەدا بەرنامێ كەپكات بوویە ب پارە و خەلكی دەست ژێ بەردا، چونكو پێگوهۆڕیێن بۆ هەین و نوكە ئنیستگرامی بەرنامەك چێكریە ب ناڤێ ئدیتس و ئەڤ بەرنامە دێ هەڤڕكیا كەپكاتی كەت و ئەڤ بەرنامەیە یێ بێ پارە یەو بێ ریكلامە و پشتی هاتیە بەلاڤكرن نوكە دا خەلك گەلەك بكار دئینت.
