بێده‌نگیا خوه ب به‌رهه‌مه‌كێ دێ شكێنیت
ئاكرێ، ره‌مه‌زان هه‌رنی:
سترانبێژ زانا جه‌به‌لی، ددیداره‌كێ دا بۆ رۆژناما ئه‌ڤرۆ گۆت: ئه‌ڤه ده‌مه‌كێ درێژ بوو من چو ستران یان به‌رهه‌م به‌لاڤ نه‌كربوون، ئانكو هه‌تا راده‌كی یێ بێ ده‌نگ بووم، به‌لێ هنده‌ك جاران من لایف مۆزیك هه‌بوون، به‌لێ نوكه دخوازم ب به‌رهه‌مه‌كێ گه‌له‌ك باشڤه ڤه‌گه‌رم و هیڤیا من ئه‌وه ب دلێ وان كه‌سان بیت یێن گوهداریا سترانێن من دكه‌ن.
زانای گۆت: ئه‌ز تۆرێن جڤاكی گه‌له‌ك ب كارنائینم ژبه‌ركو نوكه قوتابیێ ماسته‌رێ مه ل زانكۆیا سه‌لاحه‌ددین و من ئه‌و ده‌م نینه، لێ من نه‌ڤێت ژ جه‌ماوه‌رێ خوه ژی دووركه‌ڤم و دخوزام بێده‌نگیا خۆ ل دووف داخوازا جه‌ماوه‌رێ خوه بشكێنم و ناترسم ژ ده‌ستدانا جه‌ماوه‌رێ خوه، من باوه‌ری هه‌یه دێ جه‌ماوه‌رێ من زێده‌تر لێ هێت و هه‌تا نوكه به‌رهه‌مێن من یێن بۆری جه‌ماوه‌رێ خوه مایه، بۆ زانین نوكه ئه‌ز یێ به‌رهه‌ڤیان بۆ به‌رهه‌مه‌كی دكه‌م و هنده‌ك جاران ژی دچمه لایف مۆزیكا به‌لێ هه‌كه ئاهه‌نگ هه‌بن به‌رهه‌ڤم بچمێ و هیڤیا من ئه‌وه ب قه‌فته‌كا سترانێن باشڤه ڤه‌گه‌ڕم.
