بێدەنگی
زنار تۆڤی
حەز ژ تە دكەم بێی دەنگی،
بەلێ تو د من ناگەهی
تو شرینتری ژ خەونا من
تو جوانتری، نازكتری، ژ دەمێ هەلاتنا رۆژێ ل سپێدەهیان
تو شەنگتری، ژ خوناڤا ل سەر بەلگێن گولان
حەز ژ تە دكەم!
مینا ڤولكانێن دژوار، دەمێ دبنە جۆك و ل سەرێن پەساران دهێنە خوار
حەز ژ تە دكەم!
وەكو عەشقا بەلاتینكێ بۆ گولێ، كو نەشێت بێی گول بژیت
حەز ژ تە دكەم!
وەكو وی بلبلێ، هەر رۆژ بۆ تە ئاوازێن عەشقێ دخوینیت
بێی تە..
هەبوونا من نینە و دناڤا خەلایان دا دژیم
تو دبی ژ چركێن نەبوونێ
حەز ژ تە دكەم!
رۆژ رۆژا دلێ منە و تو دناڤ خوینا مندا دچی.
