بێدەنگی
سەگڤان ئیسماعیل
بێدەنگیێ سیمایێ ڕەنگێ سپی و زەر بێهیڤی کر بوو، ئەو پرچا زەر یا بۆیاغکری بێدەنگیێ داگیر کر، چاڤێن کلدای ژ ڕەنگێ ڕەش وەك نیشانەیا گۆمانکری و وەك ڕەنگڤەدانا گۆمانکری د لڤینا چاڤان و لێڤان دا د لەرزی وەک دلۆپێن ئاڤا بارانا خەم داریێتی د هەژییان ل سەر ئەوان دا د کەتن و د چوونە د ناڤا ئەوی کەڤلێ سینگێن چرمسی دا، ئەڤجا وەك هەر جار، بارینا بیرهاتنێن کەڤن د کر و بۆ ئەڤێ چەندێ هەستکرن ب هەبوونا خوە ژ بیرکربوو، هەر وەکی تاکەکا دەمسەرڤە چووی، ئەو پێکۆلە هەمی بوونە جهێ گۆمانێ د گۆشەییا هەڤرکییا بێ ئارمانج دا، پشتی دەم بۆ ماوەیەکێ سەرڤەچووی و هەناسەیا خوە گەهاندی بیرهاتنێن کەڤن و ژ نشکەکێڤە بارینا ڕۆندکێن ئاڤا بوونا ئەڤینا ڕاست وەك ڕۆبارێن وەرزێ بهارێ لسەر ئەوان ڕویێن ڕەنگدای جهێ خوە کر، دووبارە زانی گەهشتنا ڕاستییا ڕاستیێ د شەڤێن تاریدا قۆربانیدان، پێدڤێت هەر وەکی دایك قۆربانیێ بۆ زاڕۆکێ خوە یێ ساڤا د دەت، لێ هەمی ڕۆندکێن تە بوونە جهێ گۆمانەکا بێ واتە، وەك گازییا شڤانەکێ بێهۆش ل دویڤ گورگەکێ نیشانا تە گرتی ل دەمێ شەڤ دبیتە ئازادییا بێدەنگییا ئەڤینداران.
