بێكاری كەنگی ل مرۆڤی دگەڕیێت؟!
سۆلین حەسەن
بێكاری دهێتە هژمارتن ئێك ژ نەخۆشیێن جڤاكێ و هەمی مللەت تووشی ئەڤێ نەخۆشیێ دبن.لی جێاوازیەك هەیە ژ مللەتەكی بۆ یێ دێ، ئەم دكارن بێژێن سێ جۆرێن مللەتن هەنە (پێشكەفتێ،بەر ب پێشكەڤتنێ،پاشكەفتی) مللەتێ مە ژجۆرێ دوویێ یە و تووشی دۆرپێچا ئابووری بوویە. بێگومان هەر مللەتەكێ تووشی دۆرپێچێ دبیت، لەورا گەنج قووناغەكا تەمەنی یە و بۆ كۆڕ و كچان بێ جوداهی دبێژم د ڤێ قووناغێ دا مڕۆڤ هێزێ،چالاكیێ گەشبینیێ و دووربینیێ دبینیت و هەر وەلاتەكی ڕێژەیا گەنجان یا زێدە دبیت ئەوی وەلاتی شیانێن پێشكەڤتنێ یێن هەیین ئەگەر ڕێژەیا پیران یا زێدە دبیت، دبێژنێ ئەڤ وەلاتەیێ پیرە یا من دڤێت بێژم كو گەنجێ مە و زانكۆیێن مە و وەزارەتا خواندنا بالا ژی بزانیت ژ ئەنجامێ نەفێركرن ل زانكۆیێ .خویندكار نەهاتیە فێركرن كو بشێت كارەكی بدەستخۆڤە بینیت و ژ سەربۆرا خوە و بسپۆرییا خوە ژی. دەما دچیتە سەر كارەكی ژی یێ زیرەك نابیت ژبەر كو تێرا وێ چەندێ نەهاتییە راهێنان و فێركرن كو وی/وێ كاری ئەنجامبدەت و تایبەتی ئەگەر كار ل كەرتێ تایبەت بیت، لەورا باوەرنامە وی دەمی مفایی لێ ناكەت، چونكی هزرا وی ل سەر كاری نینە هەمی دەما هزرا هندێ دكەت ئەڤە نە كاری منە ئەز دەرچووی و ژنوی ئەڤێ كاری بكەم گەنجەك دبێژیت زانكۆ تنێ مە فێری بابەتێن تیۆری دكەت، نەكو پراكتیكی.ئەز بەحسی پەیداكرنا كاری دكەم و چاوانییا مفای ژ شیانێن خوە یێن سالێن خواندنی وەربگرن،ئەرێ كیماسی ژ وانە،خۆ نا هاڤێژنە كاری یان دلێ گەریانان دا نابین، لەورا دڤێت گەلەك تشت بهێنە گوهۆرین و ژ وان ژی سیستەمێ ئەڤڕۆ یێ زانكۆ و پەیمانگەهێن مە ل سەر دچن یا من دڤێت بێژم ماددەیەك ل زانكۆیێ بهێنە زێدەكرن بۆ دروستكرنا شیانان مەرج نینە مامۆستا یێ زانكۆیێ بهێتە زێدەكرن. بۆ دڕوستكرنا شیانان مەرج نینە مامۆستایێ زانكۆیێ بیت وی ماددەی بێژیت چ زانم؟ كی بێژیت ل دەڤ من چ جوداهیی نابیت، لێ خالا گرنك خویندكار فێری هونەرێ پەیداكرنا كاری بیت، نەك دێ چاوا د ئاهەنگا دەڕچوونێ دا بەر ب وەرگرتنا باوەرنامەیێ ڤە، چیت هەروەسا كار ب كەسێن خودان پێشەبیتە بەردەستكرن چ ب ڕێێ كەرتێ حوكمی یان. ئەهلی بیت و دێ ب ڕێكا وان دەهان. دەرفەتێن دی یێن كاری دڕوستبن، هەروەسا نڤیسینگەهێن پەیداكرنا كاری بهێنە ڤەكرنێ و ئەڤ جۆرێ نڤیسینگەهان، ل پتریا وەلاتان هەنە دامەزراندن ل دویڤ پێدڤیاتیێ و شیانان بیت. هەروەسا من دڤێت خالا گرنك ئاماژی پێ بكەم بۆ بێكاران ب خوە بكەم كو كوردان ژ مێژە گۆتیە (رەشو ب دەستێن خوە هەكە دێ ئاڤ تە بەت).
