بێكهامى چاره‌سه‌رى بۆ دیتیه
ب، ئه‌ڤرۆ:
چاڤێ یاریزانێ به‌رێ یێ یانا مانچسته‌ر یونایتد یا ئنگلیزى دێڤد بێگهامى ل سه‌ر ئیمزاكرنا یاریزانێ وێلزى یێ یانا ریال مه‌درید یا ئسپانى یه ژبو ئاڤاكرنا یانا خوه یا ب ناڤێ ئه‌نته‌ر مه‌یامى ئه‌وا دێ ل سالا 2020 پشكدارى د خولا ئه‌مریكا یا ته‌پا پێ دا كه‌ت.
ل دویڤ راپورته‌كا تورا ماكسى فوت یا فره‌نسى یا ده‌نگوباسان یاریزانێ یانا ریال مه‌درید گارسبێل بویه جهێ گرنگیدانا بێكهامى و ژبو ڤێ چه‌ندێ ده‌رگه‌هێ دانوستاندنان دگه‌ل میرێ وێلز ڤه‌كریه پێخه‌مه‌ت وه‌رگرتنا رازیبونا ڤه‌گوهاستنا وى ل وه‌رزێ بهێت.
ناڤێ یارێزانى وێلزى ب ڤه‌گوهاستنێ ژ یانا ریال مه‌درید ل ماوێ ڤه‌گوهاستنا هاڤینێ هاتبوو گرێدان ب ئه‌گه‌را داكه‌فتنا ئاستێ وى ل هه‌یڤێن دوومایها وه‌رزێ بورى و توشیونا گه‌له‌ك هنگافتنا، لێ ل دووماهیێ مایه دناڤا لیستا راهێنه‌رێ فره‌نسى زێندین زێدانى دا.
گرنگیدانا بێكهامى ب بێلى هاتیه پێش پشتى ل ڤێ دووماهیێ بزاڤێن ب ده‌ستڤه‌برنا یاریزانێ به‌رشه‌لونه یێ ئه‌رژه‌نتینى ژى لیونێل میسى و هه‌ڤالێ وى لویس سوارێزى و هه‌روه‌سا حه‌زا ئیمزاكرنا هه‌ڤبه‌ستا راهێنه‌رێ فره‌نسى زێندین زێدانى ژى هه‌یه.