بێهنا خوینێ

خورشید تەوفیق باکۆزی

بێهنا خوینێ و
هەلەمۆر و بێهن مڕاڕی
یاژبەدەنێ تە دباریت و
هەناسە و کەپیێن رۆژێ
دخەتمینیت ..
تە چ مایە تو پێ دخۆری ..؟
وەلاتەکێ ژبەرێک دڕیای
تەرادەستی ئاگری کر ..
سەروەری ..!
تەل گورستانا بێدادیێ بنگۆرکر و
هەناسا رۆژێ
دکۆرها هەستێن مەستێن خۆدا لغافکر و
دیجلە و فورات کڕنە گوڕی ..
مینبەر دمینبەربوونا خۆدا
ژفڕە دەنگییا تە یا دجنقیت
لژێر پێن تایفەگەریا تەدا دپەرچقیت و
دەنگێ بیلالێ حەبەش تەیێ دقڕکێ دا چککری
یاسایا دارستانێ لبەر یاسایا تە
یاژخۆ شەرمە ..
سینگێ تە خانا یەلدەیە و
ئاخویرەکا بێ دەرازینک و بێ دەرگەهـ
سەگلاڤییێن شاهانێن تە هەموو جارێ
تێدا دشەهن
جارەکادن زمانێ تە گەفە و
شیرێ تە تۆلا تولێ یە
هەڕەشێن تە قویتبڕین و
نەهێلانا ئاخ و ئاڤ و ناڤێ منە
باش بزانە ئەڤ ئاخە ئاخا مەدیایە
دل چیایە
ئەوێ نێزیکی ڤێ ئاخێ دبیتن
بۆ مەردان سینگێ خۆ ڤەدکەت
لبن پێن نامەردا دپەقیتن ..!
لبن پێن نامەردا دپەقیتن ..!

کۆمێنتا تە