بێوار بۆسه‌لی: زێده‌تری 90% یاریزانێن تیمێ ژ به‌رهه‌مێ ئه‌كا‌دیمیا زاخۆ نه
عەلی حاجی:
د داخویانیەکێ دا سەرپەرشتێ تیما تازەپێگەهشتیێن زاخۆ ئەوا پشکدار د خولا نایابا کوردستانێ یا تەپا پێی دیار کر وان تیمەکا رێک و پێک بەرهەڤکریە کو ژ بەرهەمێ ئەکادیمیا زاخۆیە و چاڤێ وان بۆ ده‌ستڤه‌ئینانا ناسناڤێ خولێ یە.
زێدەتر بێوار بوسەلی گۆت: بۆ ماوه‌یێ زێدەتری ده‌هـ رۆژان مه تیما خوە یا تازەپێگەهشتیان بەرهەڤکریە بۆ پشکداریکرن د خولا نایابا کوردستانێ یا تەپا پێی دا کو زێدەتری٩٠٪ یاریزانێن تیمێ ژ ئەکادیمیا یانه‌یا زاخۆ نە بتنێ پێنچ یاریزان ب ڕێیا تاقیکرنێ پەیوەندی ب تیما مە کرینە، پرانیا ئه‌وان یاریزانێن مە د ناڤ ئەکادیمیێ دا بۆ دەما زێدەتری پێنچ هەتا سێ سالانە دگەل ئێک یاریێ دکەن دێ بیته جارا ئێكێ بۆ گه‌له‌ك یاریزانان پشکداریێ د خولەکا فەرمی دا بکەن و ئەڤچەندە ژی دبیتە ئەگەر کێم شارەزایی دگەل یاریزانان هەبیتن، لێ ئەم دێ بزاڤێ كه‌ین د هەمی یاریان دا ب ڕێیا کادرێ خوە یێ راهێنەران کەشەکێ باش و گونجایی دابین بکەین بۆ یاریزانان داکو دوور بن ژ هەر گڤاشتنەکێ و ب شێوەیەکێ دروست سەرەدەریێ دگەل هەر یاریەکێ بکەن،مە باوەری ب تیما خوە هەیە کو دێ شێن د قۆناغا ئێکێ دا و سیسته‌مێ کومان دەرباز کەن و بەر ب قوناغا دی بچن، ئێکەم یاری ژی دا ژ دەرڤەیی یاریگەها خوە ل به‌رانبه‌ر هەولێرێ مە سەرکەڤتن تومارکر هەرچەندە یانه‌یا هەولێرێ زێدەتری شەش هەیڤایە تیما خوە بەرهەڤکری.
ل دووماهیێ ناڤبری گۆت ژی: ڕاستە یاریزانێن مە یێن ئەکادیمیێ نە لێ کارگێریا یانه‌یا زاخۆ پشتەڤانیێ ل تیما مە دکەت و د پاشەرۆژێ ژی دا یاریزانێن مە ملکێ یانه‌یا زاخۆ نە .
