بێژە من ئەو چ سێڤن؟
مەهدی گلی
بێژە من ئەو چ جۆتە سێڤن
ل بەر چاڤێن من؟
وەكی هەیڤەكێ
د شەڤەكا بێ هیڤی دا
وەكو پەیكەرەكی كو ب دەستێن
هونەرمەندەكی ب ئارامی دهێتە چێكرن
نە ئاخە، نە ئاگرێ تێهنێ
بەلكو هەناسەیەكا گەرمە
دناڤبەرا دل و هزراندا
ئەو جوانیە نووتە یە
بەلێ نووتەیا وێ
وەكە گولەكێ یە كو بارانێ شل كربیت
وەكو رۆناهییا سێدەهیانە
كو چ تشتەك نەشێت داپۆشیت
بێژە من ئەو چ سێڤێن…؟
سێڤێن هەرجارن كو بەردەوام
دخەونێ دا دبینم و
دوبارە د دلێ مندا د شین دبیە ڤە.
