بێ هیڤیكرنا خهلكی!
دگهل دهستپێكرنا قهیرانا دارایی ل سالا 2014 حكوومهتا ههرێما كوردستانێ بههانه بۆ شكهستنا سیاسهتا خوه دهرێخستن، دیار كر كو شهرێ دژی داعش و برینا بودجهی ژ بهغدا و داكهتنا بهایێ پترۆلێ ئهگهرێن سهرهكی یێن قهیرانێ نه، بێی كو بێژن ئهڤه پتری 20 سالانه ل سهر سیاسهتهكا شاش و شكهستن خواری وهلاتێ برێڤه دبن، بێی بهحسێ خهرجكرنا ملیاران دولاران بكهن بۆ مهرهمێن كهسی و حزبی، بێی بهحسێ ب سهدان هزاران بن دیواران بكهن، بێی بهحسێ سازیێن خوه یێن راگههاندنێ بكهن، مهزنترین ستراتیژیهت و پلانا حكوومهتێ راگههاندی فرۆتنا پترۆلێ بوویه ب ناڤێ سیاسهتا سهربخۆیا ئابووری، كو دهرئهنجامێ وێ برینا مووچێن فهرمانبهرانه بۆ پشتی خانهنشینكرنێ و برینا مووچێن خانهنشین و كهس و كارێ شههیدان بۆ پشتی مرنێ و هێشتا ئهڤ پلانه یا بهردهوامه و رۆژ بۆ رۆژێ یا ئاریشا مهزنتر و كوورتر لێ دكهت.
پشتی گوهۆرین كهفتینه ئهگهرێن قهیرانێ، شهرێ داعش یێ بهر ب دووماهیێ دچیت و بهایێ پترۆلێ و دگهل دا دهنگێن نهرازیبوونێ یێن بلندتر دبن، ههر زوو سهرۆك و ئهندامێن حكوومهتێ دهست ب داخویانیێن خوه كر بۆ دووباره ئینانا بههانهیان بۆ وان سۆز و ئاخفتنێن وان كرین، راگههاند ههكه داعش ژی نهبایه دا ههر قهیران روودهت و ههكه بهرمیلا پترۆلی بچیته چهندێ ژی ههر قهیران چاره نابیت ههر چهنده ئهڤ ئاخفتنه خهلكی بێ هیڤیی بكهن هند باوهریا خهلكی ب حكوومهتێ ناهێلن و وێ باوهریێ پهیدا دكهن كو قهیران نهئابووری یه، بهلكو ناكۆكیێن سیاسی نه و حكوومهتێ ژی هیچ ئیرادهیهك نینه بۆ چارهكرنێ.
ئهڤ سهربخویا ئابووری یا راگههاندی و ئهو پترۆلا دهێته فرۆتن بهردهوام و ئهو گرێبهستێن ئیمزا كرین، كوردستان نقوم كریه د دهریایهكا قهرێن وهلات و كۆمپانیێن پترۆلێ دا، كو ههر گاڤا پترۆل بهێته فرۆتن دڤێت پشكا مهزن یا داهاتی بۆ كۆمپانیان بیت و ههكه نهفرۆشن ژی دڤێت قهرهبوویا وان كۆمپانیان بكهن.
ڤان سهرهدانێن بێ ئهنجامێن شاندێن كوردی بۆ بهغدا، ئهو بێ دهنگكرن و رازیكرنا خهلكی یا ب ناڤێ دهولهتبوون و سهربخۆیێ ژی لاواز بوویه، بهردهوام جادێن وهلاتی دپرن ژ خوهنیشادان و نهرازیبوونێن خهلكی ب گشتی و مووچه خوران ب تایبهتی، ههر بۆ ڤهشارتنا ڤێ شكهستنێ دارێژهرێ سیاسهتا پترۆلا ههرێمێ دبێژیت پترۆل بچیته سهد دولاران ژی خهلك قورتال نابیت ژ قهیرانێ و وهلات نازڤریته رهوشا جاران، ئهڤ ئاخفتنه د دهمهكی دانه كو سهرۆكێ وهلاتی و تا ههر كهسێ شولهژێ خوه بێ دهنگ كریه و خوه ل ئاخفتنێن خوه یێن دو سالێن بوری ژی ناكهنه خودان، ژ بهركو ئهڤه راستیهكه و حكوومهت ژ رێكا خوه یا دروست كو خزمهتكرنا خهلكی یه دهركهفتیه و بوویه لایهنهك بۆ پاراستنا بهرژهوهندێن كۆمهكا كهسێن دهست نیشانكری.
بهردهوامیا قهیرانێ و بێزاركرنا خهلكی و برینا خزمهتكاریان ژ ڤی خهلكی دهنگێن نهرازی رۆژ بۆ رۆژێ زێده دكهت و نێزیكه رهوش بهر ب چارهنڤێسهكێ نهدیار بچیت و وی دهمی وهلات یێ پاراستی نابیت لهو دڤێت ب لهز خودانێن بهرژهوهندێن بهرتهنگ پیچهكێ هزر بكهن و دهست ژ هندهكێ بهردهن دا وهلات قورتال ببیت!.
