بێ پلانی پیلانان دیف خودا دئینیت
ئه‌ز ل ڤێرێ ل مێژوویا گه‌لێ كورد نازڤرم كا چه‌وا و ب چ ره‌نگ سه‌ره‌ده‌ری دگه‌ل كاودانێن سیاسی و ئابووری و ناوچه‌گه‌ریی و دوَزا خوه كریه! به‌لكو دێ ژ سالا 1992 ده‌ست پێكه‌ین كو بوَ ئێكه‌م جار هه‌لبژارتن ل هه‌رێما كوردستانێ هاتنه كرن به‌لێ چونكو ل وی ده‌می چ پلان و به‌رنامێن نه‌ته‌وه‌یی نه‌بوون و ململانێیا حزبی یازاڵبوو لسه‌ر كوَمه‌لگه‌هێ كوردی و ئێك دوو نه قه‌بولكرنێ ده‌رئه‌نجامێ وێ بوو دروستبوونا شه‌رێ براكوژیێ د ناڤبه‌را زوَربه‌یی لایه‌نێن سیاسی یێن كوردی دا كو تا ئه‌ڤرۆ خه‌لكێ كوردستانێ یێ باجا ڤی شه‌ری دده‌ت و هه‌رده‌ما لایه‌نێن كوردی نیازه‌ك ژی هه‌بوویه كو كێشێن نافخوه چاره‌كه‌ن دوژمنێن گه‌لێ كورد رێ نه‌دایه و راست و راست مایتكرن كرییه و دژاتی د ناڤبه‌را لایه‌نێن كوردی دا ئاڵوَزتر لێ كریه و ناهێلێن كورد ب چ ره‌نگا مفایی ژ كاودانێن نوكه د رۆژهه‌لاتا ناڤه‌راست دا دروست بووین ببینن و رۆژ بوَ رۆژێ یێ پیلان ل دووف پیلانێ ل دژی كوردان دگێرێن و مخابن ئه‌ڤرۆ هێشتا هنده‌ك لایه‌نێن كوردی هه‌نه رێكه‌فتنا دگه‌ل دوژمنێن دوَزا كوردی باشتر دبینن ژ چاره‌كرنا كێشا دگه‌ل لایه‌نێن كوردی كو زوَربه‌یی وان كێشا كێشێن به‌رژه‌وه‌ندیا و پله و پوَستانه، چونكو ئه‌م د بێ پلانین له‌ورا پیلان و قه‌یران وه‌كی بارانێ نه لسه‌ر جڤاكێ كوردی!! كێشا نوكه هاتیه ئازراندن ژلایێ چه‌ند پارته‌كێن كوردیڤه ل سه‌ر پوَستێ سه‌روَكێ هه‌رێمێ به‌رنامێ وێ كێشێ و پیلانێ ئیرانێ یێ دارێتی و بابه‌ت نه پوَسته به‌لكو كێشا ئیرانێ دگه‌ل سه‌روَك بارزانی و پارتی یه كو رێگرێن به‌رامبه‌ر حه‌ز و به‌رژه‌وه‌ندیێت ئیرانێ د ده‌ڤه‌رێ دا له‌ورا دبینی ژ لایه‌كی په‌كه‌كه و په‌یه‌ده و ژ لایه‌كی ئێكه‌تی و گوَڕان و ژلایه‌كی به‌غدا ئانكو ژ هه‌می لاڤه گڤاشتنا دكه‌ن و پیلانا دگێرێن داكو پارتی لاوازكه‌ن و ده‌ست ژ پرۆژێ نه‌ته‌وه‌یی به‌رده‌ت و جاره‌كادی هه‌رێما كوردستانی بكه‌ڤیته بن ره‌حما به‌غدا بوَ هه‌ر تشته‌كی، به‌لێ مخابن پارتی چ پلان نه‌بوون كو دژی ڤان پیلانا راوستیت و حكومه‌ت و حزب تا راده‌كێ مه‌زن تێكه‌ل بووینه و نوكه كێشێن مه‌زن ژێ په‌یدا بووینه ئه‌ڤه ئه‌گه‌ر ئه‌م بزانین كه‌سێن به‌رژه‌وه‌ند په‌رێس هه‌ر دوو لا حكومه‌ت و حزب بۆ دابینكرنا به‌رژه‌وه‌ندیێت خوه بكاردئینن و ل سه‌ر كیستێ مێژوو و خه‌بات و قوَربانیدانا پارتی و ئه‌ڤ چه‌نده بوَ ئه‌گه‌ر پارتی توَشی كێشا ببیت دگه‌ل جه‌ماوه‌رێ خوه كو باوه‌ریا وان لاوَاز كریه، له‌ورا دبێژین هه‌ر چ زوویه دڤێت پارتی لێنێرینه‌كێ ل خوه بكه‌ت، ب جیهانبینیه‌كا سه‌رده‌مانه به‌رامبه‌ر پیلانا راوه‌ستیت و سیسته‌مێ خه‌لات و سزا په‌یره‌و كه‌ت و دوور ژ هه‌ر تشته‌كی كه‌سێن كه‌متر خه‌م و لاواز و كو بووینه سه‌ده‌مێ دروستكرنا كێشا سزا بده‌ت و لاده‌ت و سه‌ر ژنوو كارێ رێكخستنێ رێكبێخیت و لدووفدا بچیته به‌رهنگاریا پیلانا !! ئه‌گه‌ر نه پیلان زوَر دمه‌زنن و بارودوَخ زوَرێ مه‌ترسیداره و ئه‌گه‌ر لایه‌نێن دی یێن كوردی ل خوه نه‌زڤڕن و بیر ده‌رده‌سه‌ری و قوَربانیدانا ڤی ملله‌تی نه‌كه‌ن و ڤان كێشا ببه‌رنامه و هزر و ڤیانا نه‌ته‌وه‌یی چاره‌نه‌كه‌ن و پلانه‌كا نه‌ته‌وه‌یی بوَ كێشێن دوزا كوردی نه دانن ! زێده‌تر خه‌لك خوه لبه‌ر ڤان قه‌یرانا ناگریت و هه‌رێما كوردستانێ دێ به‌رامبه‌ری ئه‌جندایێن ده‌وله‌تێن ده‌وروبه‌ر كورد لاواز دیار بیت و دێ كه‌ڤیته بن فشارا به‌غدا و كورد ژ هه‌موو حه‌ز و هیڤیا ئێنه بێ باركرن له‌ورا هێڤیدكه‌ین ئه‌ڤ بارودوَخه یێ هه‌ستیار و نازك بكێمترێن زه‌ره‌ر و كێشه لسه‌ر ڤی ملله‌تی ده‌رباز بیت و پارتێن كوردی بیر ل به‌رژه‌وه‌ندیا ڤی خه‌لكی بكه‌ن نه‌ك بتنێ به‌رژه‌وه‌ندیت خوه یێت حزبی یێن ته‌سك.