بەدیلی كلیپەكا نوو بەلاڤكر
زنار تۆڤی:
سترانبێژ (بەدیل براهیم) كو خەلكێ باكورێ كوردستانێ یە و نوكە ل وەلاتێ ئەلمانیا دژیت، د دیدارەكێ دا بۆ رۆژناما ئەڤرۆ دبێژیت: ئەز گەلەك حەزژ سترانێن فولكلۆری دكەم، هەتا نوكە من چەندین ستران و كلیپ بەلاڤكرینە و ب دیتنا من دنوكە دا مۆزیكا كوردی پێشكەفتنەكا باش ب خۆڤە دیتیە و ئەڤ چەندە دلێ مرۆڤی ئارام دكەت.
هەروەسا گۆت: ب رەنگەكێ بەردەوام و ب رێیا هونەرێ خوە ئەز خزمەتا هونەرێ كوردی و سترانا كوردی یا رەسەن دكەم و ل چەند رۆژێن بۆری من ڤیدیۆ كلیپەكا نوو ب ناڤێ ( بەلا سەرێ من) ژ پەیڤێن (خەیلازا رەشید) ن من بەلاڤكریە، ئاوازا وێ سترانێ من دانایە، پەیڤێن وێ سترانێ ئەڤینی نە، كو خەونەك دهێتە دیتن و ئەو خەونە دهێتە شرۆڤەكرن، ناڤەرۆكا وێ كلیپێ ب ڤی رەنگی هاتیە چێكرن، ئەو ستران ل باژێرێ ئیستەنبولێ من تۆماركریە، هەروەسا دەروێش سەرحەدی كارێ وێنەكرنێ و مۆنتاژكرنێ و دەرهێنانا وێ كلیپێ كریە.
