بەرازیلیەک گەهشت و چاڤەڕێی یاریزانەکێ دیترن
د داخویانیەکێ دا سکرتێرێ یانه‌یا زاخۆ یا وەرزشی بۆ رۆژناما ئەڤرۆ دیار کر ئەو دگەل یاریزانەکێ بەرازیلی رێکەڤتینە و دێ ل بن چاڤدێریا راهێنەرێ وان دا بیت.
زێدەتر هشیار شەهباز گۆت: ژبۆ ب هێزکرنا رێزێن تیما مە یا پشکدار د خولا نایابا کوردستانێ یا تەپا پێی دا دگه‌ل کادرێ راهێنانێ یێ تیمێ کومبووینە و چه‌ند کێماسیێن دناڤ تیمێ دا دەست نیشان کرینە، بەردەوام د پەیوەندیێ دانە ژبەرکو مە گوتیە کادرێ خوە یێ ڕاهێنەران ژی هەر دەما ئەو ژ ئاستێ یاریزانەکێ د رازی بن مە ئاگەهدار بکەن داکو دووڤچوونا وی یاریزانی بکەین و ئەم هەردو ئالی ژی رژدین بۆ ڤی بابه‌تی،هه‌روه‌سان دگەل یاریزانەکێ بەرازیلی گەهشتینە رێکەڤتنەکێ وپێشبنی بوویه دوهی ل دانێ شه‌ڤێ بگه‌یت، دێ ل بن چاڤدێریا راهێنەرێ تیمێ دا بیت و هەکە ژ ئاستێ وی رازی بوو دێ هەڤبەستێ دگەل دا ئیمزا کەین و هەکە ئاستێ وی باش نەبیت پیشه‌كارێ نێچیریا ل سەر هێله دێ پەیوەندیێ ب وی کەین.
ناڤبری گۆت ژی: ئەم لەزێ د ئینانا یاریزانان دا ناکەین ژبەرکو دەم ل بەر دەست مایە وب بهێنفرەهی کارێ خوە ئەنجامدەین و مە باوەرییەکا تەمام هەیە کو بشێن تیمەکا ب هێزتر بەرهەڤ بکەین.
