بەردەوام ل سەر خەونێن خۆ كاربكەن
هیڤی كەریم:
شێوەكارا گەنج (وارین عەبدولستار) كو نوكە قوتابیە ل قوناغا سێیێ/پشكا شێوەكاری ل پەیمانگەها هونەرێن جوان ل دهۆكێ، د دیدارەكێ دا بۆ رۆژنامەیا ئەڤرۆ گۆت: ئەز ژدایكبوویا شالا 2007 مە و دژیێ شەش سالیێ دا من خەون ب وێ چەندێ ڤە ددیتن كو رۆژەك بهێت ئەز ببمە شێوەكار باش و بشێم خزمەتا هونەرێ كوردی بكەم و سوپاس بۆ خودێ و ب پشتەڤانیا خێزانێ مە دەستپێكریە و دێ یا بەردەوامبم.
هەروەسا گۆت: سالانە ل سەر ئاستێ قوناغا خۆ ئەز دبمە سەركەفتیا ئێكێ و كەڤالێن من ل بەرچاڤێن ماموستا و بینەران ب روونی د دیارن و چێكرنا وێنەیان بۆ من نە بتنێ كێشانا رەنگانە ل سەر كاغەزی، بەلكو ئەزموونا ژیانا منە، لەورا بێی راوەستیان كاری ل سەر پێشڤەبرنا بەهرەیا خۆ دكەم و دێ یا بەردەوامبم هەتا دگەهمە پلەیێن بلندتر دا بشێم ناڤێ خۆ وەك شێوەكارەكا سەركەفتی پتر دیاربكەم، بۆ زانین من پشكداری د هژمارەكا چالاكیێن هونەری دا كریە و هەردەم ئەز دبێژم هەكە تە خەون هەبن و بەردەوام تۆ ل سەر كاربكەی چو ئاستەنگ نینن بشێن رێكێ ل تە بگرن.
