بەرشەلۆنا دێ تۆلێن دو سالێن بۆری ڤەكەت و یاریا پاریس و میلان ئاگرینە
بڕیارە ئەڤرۆ ل دانێ شەڤێ هەشت یاریێن دی یێن گەڕا سێیێ و دووماهییا قۆناغا ئێكێ ژ چارچووڤێ كۆمان یا قارەمانییا یانەیێن ئۆرۆپا قارەمانێن خولا چامپیۆنز لیگ بڤی شێوەیێ خوار بهێنە كرن.
كۆما پێنجێ
یانەیا فینۆرد رۆتردام یا هۆلەندی ل یاریگەها خوە دێ مێڤاندارییا یانەیا لاتسۆ یا ئیتالی كەت، خودانێن ئەردی ئەوا دێ ب هیڤی و خوزیێن بەری 51 سالان یێن ئێكەم ناسناڤێ چامپیۆنزێ هێتە دناڤ یاریگەهێ دا بەلكی بشێت سەركەفتنێ بینت و هیڤیێن دەربازبوونێ بۆ قۆناغا 16ێ گەش بكەت ئەوا نوكە ب سێ خالان رێزا سێیێ دهێت، لێ تیما ئیتالی ژی پاریەكێ ب سانەهی نابیت ئەوا چار خال كۆمكرین رێزا دویێ و هیڤیێن سەرێ لیستێ هەنە ئەڤ یارییە دێ ل دەمژمێر 7:45 شەڤ هێتە كرن، ژلایێ خوەڤە ئەتلەتیكۆ مەدرید دێ بەرانبەر ئاستەنگا سێلتیك یا ئوسكۆتلەندی راوەستییت د یارییەكا هەڤڕكی دا ئەوا دێ ل یاریگەها سێلتیك هێتە كرن، ئەتلەتیكۆ رێزا ئێكێ دهیت ب چار خالان و یانەیا ئوسكۆتلەندی بێ خالا رێزا چارێ و دووماهیێ.
كۆما شەشێ
دهێتە هژمارتن كۆما ئاگرین و شەڕێ دژوار دناڤبەرا هەر چار یانەیێن پشكدار كو پرانییا وان بەربژارێن قۆناغێن دووماهیێ و ناسناڤی نە، پاریس سانجێرمان خودانا خەونێن مەزن دێ بهێزترین یاریێن ئەڤ شەڤە دا مێڤاندارییا ئەی سی میلانا ئیتالی كەت، د گەڕا دویێ دا هەردو تیما نەشیان سەركەفتنێ بینن، لەوما ئەڤ شەڤە یا ئاگرینە و شەڕێ سێ خالان بیت، پاریسێ سێ خال هەنە رێزا دویێ دهێت و میلانێ دو خال هەنە رێزا دویێ دهێت، هەردو یانە پێدڤی ب سەركەفتنێ هەنە بۆ بەردەوامییا كاروانێ خوە یێ شەڕێ ناسناڤی، ژلایەكێ دووڤە یانەیا نیۆكاسل یا ئنگلتەرایێ پشتی 20 سالێن دووركەفتنێ ژ چامپیۆنزێ بهێز ڤەگەڕیایە بگەهیتە سەرێ لیستا كۆمێ ب چار خالان و ئەڤ جارە دێ ل یاریگەها خوە مێڤاندارییا یانەیا بۆرۆسیا دۆرتمۆند یا ئەلمانی كەت، هەرچەندە بۆرۆسیا بتنێ ئێك خال هەنە لێ هێشتا هیڤیێن دەربازبوونێ بۆ قۆناغا 16ێ ماینە و دێ بزاڤێ كەت سەركەفتنا ئێكێ بینت، هەردو یاریێن ڤێ كۆمێ ل دەمژمێر10ی شەڤ هێنە كرن.
كۆما حەفتێ
یانەیا مانچستەر ستی ئەوا ئێك ژ بەربژارێن دی یێن چامپیۆنزێ و هەلگرا ناسناڤێ وەرزێ بۆری د رەوشەكا باش دایە و پلانێن راهێنەرێ وێ پیب گۆاردیۆلایی د سەركەفتی نە ئەوا نوكە ب شەش خالان سەرێ لیستا كۆمێ دهێت دێ مێڤاندارییا یانەیا یۆنچ بۆیز یا سویسری كەت خودانا رێزا چارێ ب ئێك خال، مان ستی حەزا هەیی دیارییا ئەڤ شەڤە دا سەركەفتنا سێیێ بینت و نمرەیا تمام بینت ژ قۆناغا ئێكێ یا كۆمان دا، د بەرانبەر دا یانەیا لایبزیك دێ ب هەمی شیانێن خوە بزاڤێ كەت قەرەبوویا خوسارەتییا بۆری بكەت و بەردەوامیێ بەدەتە هیڤیێن پلێتا دەربازبوونێ دەمێ ل یاریگەها خوە مێڤاندارییا سرفینا زڤیردا یا سربیا دكەت، یانەیا ئەلمانی ب سێ خالان رێزا دویێ دهێت و یا سربی ب ئێك خال رێزا سێیێ دهێت.
كۆما هەشتێ
پشتی سەركەفتنا وێ د خولێ دا یانەیا بەرشەلۆنا یا ئسپانی ب هیڤییە بەردەوامیێ بدەتە سەرێ لیستا كۆمێ و خەونا مەزن یا ناسناڤێ چامپیۆنزێ دەمێ یاریگەها خوە كامب نو مێڤاندارییا یانەیا شاختار دۆنێستك یا ئۆكراینی بكەت، بەرشەلۆنا شەش خال كۆمكرینە سەرێ لیستێ دهێت و بیر ل دیرۆكا هەردو وەرزێن بۆری دكەت كو د قۆناغا كۆمان دا هاتبوو راوەستاندن و دەربازی قۆناغا 16ێ نەبوو، یانەیا ئۆكراینی سێ خال و رێزا سێیێ دهێت، هەرچەندە دبیت پێشچاڤ دیدارەكا بزەحمەت نەبیت بۆ چاڤی هێرناندزی راهێنەرێ بەرشەلۆنا ژبەركو كاودانێن ئۆكراینێ یێن شەڕی و سیاسی د ئالۆزن، د یارییا دویێ یا ڤێ كۆمێ دا پۆرتۆ یا پۆرتۆگالی دێ شەڕەكێ گران بەرانبەر مێڤاندارا خوە یانەیا رۆیال ئانتۆێرب یا بەلجیكایێ كەت ب هۆژدارییا ئەنجامەكێ نە چاڤەڕێ كر، یانەیا پۆرتۆكالی سێ خال هەنە و رێزا دویێ دهێت و خودانێن ئەردی بێ خال رێزا چارێ و دووماهیێ دهێت و دێ هێتە دڤێ یاری دا وەكو دووماهی دەلیڤە بۆ هیڤیێن دەربازبوونێ.
