بەرشەلۆنا سێ مەرج بۆ ڤەگەڕیانا مێسی داناینە
ئەڤرۆ
راپۆرتێن رۆژنامەڤانی ل وەلاتێ ئسپانیا دیار كر كارگێریا یانەیا بەرشەلۆنا سێ مەرج بەرانبەر ڤەگەڕیانا ستێرێ خوە یێ بەری و یێ یانەیا پاریس سانجێرمان لیۆنێل مێسی داناینە.
رۆژنامەیا سپۆرت دیار كر مەرجێ ئێكێ یێ ڤەگەڕیانا وی ئەوە دڤێت مێسی رازیبیت و بێژت بەلێ رازیمە ل سەر مەرجێن بەرشەلۆنا، یا دویێ دڤێت كۆمبوونەكا تایبەت دناڤبەرا خوان لاپۆرتا سەرۆكێ یانێ و مێسی بهێتە كرن ژبۆ چارەسەركرنا كێشا دناڤبەرا وان دا، یا سێیێ دڤێت پێگیری ب یاسایا یاریا پارێ پاقژ بهێتە كرن ئانكۆ مووچەیێ وی ل دووڤ ستاندرێ یانەیێ دانایی پێگیر بیت و نابیت زێدەتر داخواز بكەت پێخەمەت یانە نەكەڤیتە ل بن گڤاشتنێن لژنەیێن پێرابوونێ و چاكسازیێ یێن فیفا و ئێكەتیا تەپا پێی یا ئسپانیا.
